“راح يطلب حضن أهله… فقتلوه وهو نائم!”

كتبت راندا أبو النجا

في المنصورة، بدأت الحكاية بشكل بسيط جدًا

أحمد كان شاب عادي، عنده 28 سنة، فاتح سوبر ماركت صغير وبيجري طول اليوم عشان يقدر يعيش.

ماكانش بيحلم بحاجة كبيرة… بس كان نفسه في بيت هادي، وزوجة تشاركه الحياة.

في نفس الوقت، كانت نورا… بنت صغيرة عندها 21 سنة، شافته بعين مختلفة.

شافت فيه راجل يعتمد عليه، وصدّقته من قلبها، ووقفت جنبه من غير حساب.

الحكاية كبرت بينهم بهدوء… لحد ما قرروا يتجوزوا.

ماكانش معاهم كتير بس كان عندهم أهم حاجة: حب صادق، وأمل إن بكرة يبقى أحسن.

دخلوا شقتهم الصغيرة… يمكن كانت بسيطة في نظر أي حد، لكن بالنسبة لهم كانت بداية حياة كانت “بيتهم”.

لكن الفرحة ما كملتش

في ليلة المفروض إنها أسعد ليلة في حياتهم… النار اشتعلت في الشقة فجأة.

وفي لحظات كل حاجة راحت.

العفش إتحرق

الذكريات راحت

وحتى الإحساس بالأمان اختفى.

خرج أحمد من الليلة دي مش بس خسر بيته

خسر إحساسه إن الدنيا ممكن تضحك له.

رجع يدور على حضن يحتويه

لكن الصدمة كانت أقسى

أبوه رفضه وطرده.

وبدل ما يكون له سند

بقى وحيد في الشارع.

شاب متجوز بينام بره

مش لاقي حتى مكان يرتاح فيه.

الغريب إن قلبه ما اتغيرش.

قبل العيد بيومين، نزل واشترى لبس جديد لأبوه وأخته.

كأنه بيحاول يرجّع حاجة إتكسرت

أو يمكن كان مستني منهم نظرة رضا… حتى لو بسيطة.

وفي وقفة العيد كلم نورا وقال لها إنه رايح عند أمه يرتاح شوية.

كان صوته عادي مفيهوش أي حاجة تقلق

مجرد يوم هيعدي زي أي يوم.

بس اليوم ده ما عدّاش.

أحمد نام وما صحيش تاني

لأن أبوه أنهى حياته.

خنقه وهو نايم

من غير ما يديله فرصة حتى يدافع عن نفسه.

الخبر وقع كالصاعقة

مفيش حد قادر يفهم ولا يصدق.

والكلام بدأ

في ناس قالت إن الأب مريض

لكن الحقيقة لسه ضايعة

والوجع هو الشيء الوحيد الواضح.

أما نورا… فوقفت قدام كل ده مش مستوعبة.

لسه عروسة ولسه بتحلم بحياة تبدأ

وفجأة لقت نفسها بتودّع كل حاجة.

الحكاية انتهت بسرعة

بس أثرها تقيل جدًا

لأن أصعب خسارة مش إنك تفقد حلمك

لكن إن اللي يكسره يكون أقرب الناس ليك

قبل ما نختم الحكاي

لازم نقف لحظة مع نفسنا

الأهل مش بس مسؤولية أكل وشرب وتعليم

الأهل أمان

حضن

كلمة طيبة

وقت الضيق

ابنك مش محتاج منك تكون قاسي عشان “تربيه”

هو محتاج

يسمعك

تحس بيه

تقرب منه

قبل هما يبعد لوحده

اقربوا من ولادكم

اسمعوهم

حتى لو كلامهم بسيط

احتووهم

قبل ما الدنيا تاخدهم منكم

لأن في لحظة

ممكن الندم ما ينفعش… 💔

اللهم اغفر له وارحمه، وعافه واعفُ عنه، وأكرم نزله، ووسع مدخله، واغسله بالماء والثلج والبرد، ونقِّه من الذنوب والخطايا كما يُنقّى الثوب الأبيض من الدنس.

اللهم اجعل قبره روضة من رياض الجنة، ولا تجعله حفرة من حفر النار، وألهم أهله وذويه الصبر والسلوان، واربط على قلوبهم يا أرحم الراحمين.

اللهم احفظ أهلنا وأولادنا من كل سوء، واجعل بيوتنا عامرة بالمحبة والرحمة، ولا ترينا فيهم مكروهًا يا الله. 💔