كلمات . الشاعر محمد فتحى السيد
1
تسلمي من كل شر
لو ما كانش العمر مر
والسنين سرقت شبابي
والمشيب قاسي و مر
كنت أجيلك
وأخطفك وانا فوق حصاني
كنت أقطف م الزمن أجمل معاني
لو حياتي تكون تمن عمري ماعاني
وابتسملك . حتى في عز الغضب
وأوصفك بأرق ألوان الأدب
في حبك أتخطى الجنون
وللأبد أفضل حنون
ولاشيئ في قربي يزعلك
وأوهبك ما أمتلك . علم وفنون
وتأمريني لو ملك أمرك يكون
والصعب كله أتحمله
وألقاه يسر
لو كان للحظه يسعدك
مش راح يضر
وتسلمي من كل شر
2
انتي شايفه الكون جميل في مرسمي
وكل أزرق يبقى نيل في مبسمي
حتى الرمادي فيه خضار
والشيب نهار
والإصفرار غار من حضورك تسلمي
والإحمرار أصبح فنار
وصار كلامك ملهمي
غازله حروفك باقتدار
وبثه فيهم بلسمي
زالت عيونك للظلال
فــ لـنور عيونك هنتمي
3
وكان قلمي مطاوعني
يشد حروفي من راسي
ومن عقلي . ومن قلبي
ومن دمي وإحساسي
ويغزل ع السطور شعري
ويرسمني في كراسي
ولما قابله إبداعك
وشاف نورك صبح عاصي
ولا عارف ينز حروف
ولا ع المعنى عاد راسي
وعاجزه اخواته عن وصفك
حبري وجافي ورصاصي
يقولوا شعر إيه فيكي
وف عينيكي الحروف ماسي
وأجمل شعر في الدواوين
هيوصف فين
وأرق الشعر بان قاسي
بقلم الشاعر محمد فتحى السيد
تعليقات
إرسال تعليق