كلامِك تملي كان يداوي
فؤادي في وقت الفتور
صبح عادي كأنه خاوي
خالي من ريحة الشعور
بقيت بشوفك حد تاني
بقيتي كلمة على السطور
سطور كتاب هَم الحياة
بقيتي حضرة بدون بخور
كنتي جنة فيها عايش
عيشتي عنوانها السرور
بقصد منك زهري صفّر
و الجنة صبحت ارض بور
إنت مش هي حبيبتي
اللي كان تواجدها نور
اللى كان تواجدها بلسم
و نشيد تغنّيه الطيور
اقرا ايضا وظيفة لإبن «شهيد الشهامة» بمصانع «النساجون الشرقيون» فى العاشر من رمضان - بوابة الاخبارية نيوز
عصفورك اللى طار بحبك
و شق أسراب النسور
و ياما غنّالك أغاني
و شعر من كل البحور
ماعدش واعي للحياة
سكران بيهزي بدون خمور
شظايا روحي جمعتها
و بقايا أوراق الزهور
عشان أقولك كلمة واحدة
بدون خجل و بدون غرور
أنا كنت بيكي كل شئ
كنت الأمل خالص بيور
كنت العزيمة والإرادة
كأني طير مايحوشه سور
لكن كأن الحب مات
ريحته فاحت في القبور
و الكفن لو يخفي ريحة
كان ليه يجيبوا معاه عطور ؟
الرحمة بتحتّم عليكي
تختاري من غير أي جور
يا تعيدي روحك من جديد
روح ريحتها سوفاج ديور
روح بوسع الوادي كله
نسيمها رطب و ريح بَشور
ياتهاجري بالجزء اللى باقي
من فؤاد مليتيه كسور
و ف داهية كل الذكريات
و الغرام خلّيه يغور .
#شحاته_على_ابودرب
تعليقات
إرسال تعليق