بقلم صقر شاف الشقا بعينه
الكاتب الصحفي ياسر زينهم
1 الأول من مايو مش إجازة
بيقولوا لك عيد العمال تفتكر إنه يوم تريح فيه وتاكل فسيخ
الحقيقة ده مش عيد
ده ذكرى معركة
المعركة كانت على إيه؟
على 8 ساعات شغل بس
تخيل؟
سنة 1886 العمال في شيكاغو ماتوا عشان حقهم يبقوا بني آدمين مش مكن
فـ لما تاخد الإجازة افتكر إنك واخدها بدم ناس
السؤال ليك أنت بتشتغل كام ساعة دلوقتي؟
وبتاخد حقك ولا لسه المعركة شغالة؟
2 العامل هو اللي شايل الكوكب على كتفه
الوزير بيخطط والمهندس بيرسم والتاجر بيبيع
بس مين اللي بيبني؟
إيد العامل هي اللي حطت الطوبة فوق الطوبة عشان تبقى عمارة
إيده هي اللي لفت المسمار عشان العربية تمشي
إيده هي اللي خيطت الهدوم اللي أنت لابسها وماشي تتباهى بيها
القانون
أي حضارة في الدنيا أساسها عرق
مش كلام
فلو شايف عامل غلبان ما تبصلوش من فوق
أنت واقف على كتفه
ولو وقع كله هيقع فوق دماغك
3 أكبر كذبة
العامل اليدوي أقل من العامل الذهني
ضحكوا علينا وقالوا
اللي قاعد على مكتب بيه
واللي واقف على مكنة صبي
الحقيقة الصقرية
الاتنين عمال
ده بيشتغل بمخه وده بيشتغل بإيده والاتنين بيكملوا بعض
الجريمة
لما المجتمع يحتقر الإيد اللي بتعرق
النتيجة؟
كله عايز يبقى مدير ومحدش عايز يصنع
فنستورد الإبرة من الصين عشان عيب نشتغل بإيدينا
اسأل نفسك
لو كل السباكين والنجارين والحدادين بطلوا شغل بكرة هتعيش إزاي يا بيه؟
4 عيد العمال الحقيقي مش في 1 مايو
العيد الحقيقي للعامل بيكون 3 مرات
1 يوم ما يقبض مرتبه ويلاقيه مكفيه هو وعياله من غير ما يمد إيده
2 يوم ما يمرض ويلاقي تأمين صحي يحترمه مش يذله
3 يوم ما يكبر ويلاقي معاش يصونه مش معاش يشحته
غير كده؟
يبقى بنضحك على بعض بوردة وبوست على الفيسبوك
الكرامة مش أغنية الكرامة رغيف عيش متصان
5 رسالة للعامل الصقر
أنت مش ترس في مكنة
يا اللي نازل 6 الصبح في عز التلج
يا اللي راجع بيتك ضهرك محني من الشقا
يا اللي إيدك خشنة بس قلبك أنضف من الحرير
أوعى تصدق إنك قليل
أنت الأساس
وأنت البركة
وأنت السبب إن الحياة ماشية
المجتمع اللي ما يحترمش عرَقك
مجتمع أعرج
هيقع يعني هيقع
فارفع راسك
أنت مش بتشتغل عند حد أنت شريك في بناء البلد دي
وحقك تاخد نصيبك من التورتة مش الفتافيت
6 ورسالة لصاحب الشغل
العامل مش عبد اشتريته
العامل اللي عندك مش مصروف
ده استثمار
لو جوعته هيصنع لك بضاعة جعانة
لو أهنته هيكسر لك المكنة من غير ما تحس
لو احترمته هيشيل شركتك على راسه وقت الأزمة
المعادلة بسيطة اديله حقه يديك عمره
اكسر عينه يكسر ضهرك
العدل مش صدقة العدل مكسب ليك قبل ما يكون ليه
الخلاصة بمنقار الصقر في كبسولة
عيد العمال مش يوم عيد العمال حال
الحال ده يتحقق لما 3 حاجات تحصل
1 أجر عادل = يخلي العامل ينام شبعان
2 احترام مجتمعي = يخلي ابنه يفتخر بشغلانة أبوه
3 أمان وظيفي = يخليه يخطط لبكرة مش خايف من بكرة
لحد ما ده يحصل
كل سنة وكل عامل محارب في معركة لقمة العيش
وكل سنة وأنت طيب يا بطل
لأنك أنت العيد الحقيقي مش اليوم
كل الشكر والتقدير والاحترام للقائمين على إدارة التوثيق
ردحذف