للشاعر محمد عبد العزيز رمضان
حبيبتي يا حبيبتي
حبي ليكي مش كلام
يا أمي يا أغلى عندي
من حياتي مش بنام
لو يوم بعدتي عني
بلقى نفسي مش تمام
حبيبتي يا حبيبتي
أمي من غيرك وحيد
بشتاق يا أمي ليكي
ضحكتك والله عيد
أنا نفسي تبقي جنبي
قربي منك يا اما عيد
حبيبتي يا حبيبتي
يا حب غالي مالوش حدود
حبك والله يا اما
عندي أغلى من الورود
بدعيلك كل لحظة
وكل ثانية وفي السجود
حبيبتي يا حبيبتي
يا معنى غالي ف الحنان
أنا مش خايف يا أمي
إزاى أخاف وأنت الأمان
مكانك جوا قلبي
والمكان نفس المكان
حبيبتي يا حبيبتي
صعب أرضى بالغياب
يا حكاية عمري كله
عمري من غيرك عذاب
ضميني يا أمي ليك
وافتحيلي ألف باب
تعليقات
إرسال تعليق