التقدير

 كتبت الإعلامية دعاء نور عن التقدير 

اللى بيقدرك مش هيحُط نفسه أبدًا فى وضع إنه يخسرك ، تقديرُه ليك هيخليه بعيد كل البُعد عن إنك تزعل منه ، لأنه بيقدرك عشان حريص جدًا على زعلك ، حريص على خسارته ليك ، حريص عليك وعلى كل شيء يخصّك حتى أبسط التفاصيل ، يكفي إنه هو يبقى شاري خاطرك ويتجنّب كل شيء مُزعج بالنسبالك ، أو إنه يشوفك استثنائي ويعرف "يستثنيك" رغم كل اللى حواليه؛ لما اللى قدامك يحسسك بـ احترامه ليك بالمودّه و الذوق و التقدير.. فـ ده يُعدّ من أعظم وأصدق العلاقات بمُختلف أنواعها .

غلاوتك عند الناس بتبان بمواقفهم معاك ، ولهفتهم عليك ، ونظرات الحُب بتبان في عنيهم ، فمتصدقش إنك غالي عند حد بيتصرف على عكس دا ، لإن مفيش حد بيحبك هيطنشك ، أو يسيبك وقت أزمة أو وقت تعب ، ولا فيه حد بيحبك هتهون عليه ، فبلاش تصدق حجج ولا مبررات فارغة وبطل تعشم نفسك لإن الخسران الوحيد هيبقا انت