كتب: أحمد عصام
بلاغ رسمى إلى الدكتور خالد عبدالغفار وزير الصحة والدكتور أحمد مصطفى رئيس الهيئة العامة للتأمين الصحى والدكتور سيد جلال رئيس الإدارة المركزية للشؤون الطبية برئاسة هيئة التأمين الصحى والدكتورة رشا مصطفى مدير فرع القليوبية للتأمين الصحى والدكتور خالد الأمير مدير عام مستشفى النيل.. هل المستشفى تتحول إلى صالة أفراح والكل فيها بيطلب نقطة أم أصبح كمين يدفع فية المواطن فى كل خطوة؟
الموضوع مابقاش مجرد فرد أمن بيسترزق ولكن الموضوع بقى شبكة جباية منظمة:
1️⃣ على الباب الخارجى: تلاقى المنع والتشديد وبمجرد ما تراضى فرد الأمن يقولك بكل ثبات أنفعالى وزمايلى اللى واقفين معايا دول مالهمش نصيب؟ راضينا كلنا عشان نعديك.
2️⃣ داخل الأدوار: تفتكر أنك خلاص عديت بس أبداً، بمجرد ما تطلع الدور تلاقى لجنة أستقبال أخرى من أفراد أمن الأدوار والعمال وكأنك داخل منطقة حرة ولازم تدفع فيها رسوم عبور لكل موظف يقابلك.
3️⃣ الابتزاز العلنى: لو ما دفعتش للأمن اللى فوق والعمال تتحول معاملتك لأسوأ ما يمكن ويتم أختراع قوانين جديدة عشان يخرجوك أو يضايقوك وأنت مع مريضك.
5️⃣ أفراد الأمن يتعاطون المخدات داخل مستشفى النيل.
قصف جبهة لعديمى الضمير:
إلى أمن وعمال المستشفى: مريضنا داخل يتألم، مش داخل يوزع ميراث على كل واحد يقابلة فى الطرقة، عيب لما تكون وظيفتك مساعدة الناس وتحولها لشحاتة مقنعة بالإجبار.
ما يحدث فى مستشفى النيل للتأمين الصحى بشبرا الخيمة هو أتاوة تفرض على الزوار.
وهذا يحدث برعاية موظف فى مستشفى النيل للتأمين الصحى يدعى جمال على أبوزيد المسمى الوظيفى لة أمين مخزن ولكن وضع نفسة من نفسة مدير الأمن وثبت أفراد الأمن فى أماكن معينة ومستمرة ليتقاسم معهم ويطلب من الأفراد أشياء شخصية وأذا رفضوا ينقلهم إلى أماكن سيئة وعلى علاقة بمواطنين يصرف لهم العلاج وهم فى منزلهم مقابل الفلوس.
نطالب بكاميرات مراقبة حقيقية ترصد ما يدور عند البوابات وفى الطرقات وأنهاء ظاهرة الراضة والرضوة التى جعلت من المستشفى الحكومى مكاناً لمن يملك المال فقط.
كرامة المواطن المصري البسيط فى مستشفى النيل للتأمين الصحى ليست مستباحة لهؤلاء المبتزين.
المستشفى للعلاج ولكن مش لنهب جيوب الزوار.
تعليقات
إرسال تعليق