#قبل_ما_تبقى_الذكرى_وجع: احكم بنتك في مولد أبو الحجاج
#يا_صعيدي… #احكم_بنتك
اللي سايب بنته تنزل وسط الزحمة
يبقى سايبها للوجع بإيده.
واللي يقول “حرية”
يبقى بيغطي تقصيره بكلمة حلوة.
#مولد_أبو_الحجاج
مش مسرح
ولا استعراض
ولا شارع مفتوح
لبناتنا وسط الرجالة.
إحنا مش ضد الفرح
بس ضد الانفلات،
#وضد_إن_بنت_أقصرية
تتزاحم بالأكتاف وتتشد بالإيد وتتساب وسط شباب لا دينهم رادع ولا ضميرهم صاحي.
#يا_أب…
إنت راجل البيت
مش صديق بنتك
ولا متفرج عليها.
بنتك مش تجربة
ولا “نشوف هيحصل إيه”.
غلطة واحدة
تشيلها طول عمرك
وتبقى وجع
ولعنة في بيتك.
#يا_أم…
اللي تقول “سيبيها تتبسط”
تبقى بتبيع بنتها بسكوتها.
والأم اللي ما توقفش
تبقى شريكة في اللي جاي.
#والكلام_للبنات—اسمعي كويس:
اللي يشوفك وسط الزحمة
مش هيحترمك
ولا هيقدرك
ولا هيقول دي بنت ناس.
اللي عايزك
يجي بيتك
قدام أبوك
مش يشوفك مدفوعة
ولا متزاحمة
ولا مكسورة العين.
وإوعى تقولي
“كل الناس نازلة”
الكل ما يتحاسبش عنك،
إنتِ اللي هتشيلِي النتيجة.
وخلّينا نقولها بوضوح
ومن غير لف:
#الاحتفاء_بأبو_الحجاجاحتفاء_سنوي
#ذكرى_ومقام_وبركة
مش زحمة ولا تدافع
ولا احتكاك يسيء للمكان ولا يسيء لبناتنا.
#مولد أبو الحجاج
ذكرى طيبة مينفعش نخليها ذكرى سيئة ولا حكاية تتقال بعدها “فلانة اتأذت” ولا “فلانة اتجرحت نفسياً”.
#عايزين_بناتنا
تفرح وتتبسط
آه… بس في أمان وفي ستر وفي حدود
زي ما كل أم بتتمنى
#وتقول:
“أنا عايزة بنتي تفرح… بس ترجعلي زي ما خرجت”.
#يا_صعيدي…
إنت مش ظالم لما تحكم
إنت ظالم لما تسيب.
والستر
مش تخلف
ده رجولة
والحكم
مش قسوة
ده مسؤولية.
آخر الكلام
ومن غير مجاملة:
اللي سايب بنته للزحمة
يبقى سايب سمعته
وبيته
وتاريخه
اصحوا
قبل ما تصحوا على مصيبة ما لهاش رجوع.
رجاء شوقي أحمد
تعليقات
إرسال تعليق