الخطوة اللي بتقلب كل الموازين

بقلم/نشأت البسيوني 

في حياتنا في لحظة واحدة لما ناخد خطوة صغيرة أو كبيرة ممكن نقلب كل الموازين ونغير شكل كل حاجة حوالينا وفي جوا نفسنا الخطوة دي ساعات نكون خايفين ناخدها ونرتجف من مجرد التفكير فيها بس الغريب إن الخطوة دي هي اللي بتصنع الفرق اللي كنت محتاجه من زمان الخطوة اللي بتخلي قلبك يتنفس لأول مرة بعد سنين من الركض ورا حاجات ماكانتش تخصك أو ناس 

ماقدروش يشوفوك بجد الخطوة دي ساعات تكون مواجهة مع ناس كنت فاكرهم سند وساعات تكون انسحاب من ناس كانت مجرد وهم وساعات تكون اختيار طريق جديد ما حدش يعرف نهايته وساعات تكون صمت وانت ساكت وجواك بيعرف كل حاجة ومحتاج بس يسمع نفسه وتلاقي نفسك بتواجه كل خوفك وكل ألمك وكل التزاماتك القديمة اللي كنت شايلها من غير ما حد يطلب 

منك أو بدون ما تحس ومع كل خطوة تاخدها تكتشف حاجات عن نفسك ماكنتش تعرفها تكتشف قوتك اللي مستخبية تحت تعبك تكتشف صبرك اللي ماكنتش شايفه تكتشف قدرة قلبك على الاستمرار حتى لو العالم كله حاول يطيح بيك تكتشف إن الحرية مش في المكان ولا في الناس الحرية جواك أنت وكل خطوة جديدة بتقربك من نفسك أكتر وتخليك تعرف مين انت ومين اللي 

حواليك وفي اللحظة دي كل حاجة حواليك بتتغير مش الدنيا بس جواك بيتغير الشكل القديم للقلق والخوف والشك وبيتولد عندك فهم جديد للحياة فهم بيخليك تعرف إن أي خطوة مهما كانت صغيرة مش خطوة ضايعة أي خطوة صعبة أو مؤلمة هي بناء للروح هي تدريب على الشجاعة هي درس في القوة هي بداية لنسخة جديدة منك والأجمل إنك في الآخر تلاقي نفسك واقف على 

أرض صلبة رغم كل الهزات رغم كل اللي فقدته رغم كل اللي خسرتة رغم كل اللي اتعبك وبتبتسم لنفسك وبتعرف إنك أخيرًا قادر تمشي بخطواتك الخاصة مش محتاج أي حد يمسك إيدك مش محتاج أي حد يصدقك أو يفاهمك مش محتاج أي شيء غير نفسك وأنت ماشي تفهم إن الخطوة اللي بتقلب كل الموازين مش بس حركة جسمانية أو قرار عابر دي خطوة بتقلب روحك حياتك ووعيك

وهي نفسها اللي بتخليك تعرف إنك قادر تبدأ من جديد بقوة وفهم وحرية جواك ماحدش يقدر ياخدها منك