ياجمال بلدنا

بقلمى/ السيد محمد 

ياااا جمال بلدنا

 لما نشوفها،

 في كل العيون حلوه..

تعزف لها،

 كل القلوب مليون غنوه..

تكون لحن لكل عاشق..

وبسحرها،

 سهم في الصدر راشق..

يا جمال بلدنا 

في كل صبااااح..

هتلاقي في العيون ،

سعاده وأفراح..

راحه بال، 

وشفاء لكل جراح..

يا جمال بلدنا 

في وقت العصاري..

ضحكه من القلب،

 ويا أهلي وجاري..

وصديق مخلص، 

بحكيله كل أسراري..

ياااا جمال بلدنا 

وقت الغروب..

هتلاقي فيه ،

كل القلوب..

جوه قصه،

 في كتاب مكتوب..

علي شط النيل، 

كل العشاق ،

في الحب تدوب..

ياااا جمال بلدنا

في وقت المساء،،

مغرمين بتسرح ،

ويااا القمر ..

عاشقين بتحب، 

ليالي السهر..

مع لمة أولادنا، ،

ياااا جمال بلدنا..

بقلمى/ السيد محمد