===========================
🔴 🔴 على مسؤوليتي الشخصية …….. هااااااااام للغاية — قراءة في أخطر السيناريوهات الإقليمية🔴 المنطقة أمام منعطف شديد الخطورة ما يجري في الشرق الأوسط يفرض علينا قراءة التطورات بعناية، بعيدًا عن التهويل أو الاستهانة. فالتصعيد العسكري، وتضارب المصالح الدولية، والتنافس على الممرات البحرية ومصادر الطاقة، كلها عوامل تجعل أمن الخليج والبحر الأحمر جزءًا أساسيًا من معادلة الأمن القومي المصري.🔴 أمن السعودية جزء من معادلة الأمن القومي العربي مصر والسعودية دولتان محوريتان في المنطقة، وأي تهديد خطير لأمن المملكة لن يظل تأثيره محصورًا داخل حدودها، بل قد يمتد إلى أمن الخليج والبحر الأحمر والمصالح الاقتصادية العربية.
🔴 ساعة الصفر بالنسبة لنا بدأت من كلمة السيسى اليوم... وتلك الكلمة أربكت كلاً من " المعلم عِجَّة ترامب سابقاً والنتن الصهيونى"... ونحن جاهزون ومستعدون بقيادة المنطقة إلى بر الأمان بإذن الله... دون تدخل الخونة الأنجاس...🔴 إحنا وصلنا ليفل الوحش خلاص، وناس كتير للأسف لسه مش مستوعبين حجم إللى بيحصل حوالينا ولا معناه... 🔴 مصر بتستعد رسميًا دلوقتى للتدخل عسكريًا للدفاع عن السعودية، مع موافقة البرلمان بجلسته طارئة "والسرية" لمنح الرئيس التفويض الدستورى لتحريك القوات...🔴 وكل ده جاى بعد ساعات قليلة من تصريحات خطيرة لترامب قال فيها بصراحة إن إسرائيل مستعدة للدفاع عن السعودية...🔴 وإن الرياض محتاجة تقبل بالمساعدة الإسرائيلية ضد الحوثيين... 🔴🔴 وإن إتفاقيات التطبيع بقت أقرب من أى وقت فات! 🔴🔴 وهو ده الهدف الرئيسى إللى ترامب سايب الحرب دى شغالة ومولعة لأجله ومش عايز يحسمها... عشان يفضل ضاغط على السعودية ويحطها قدام الأمر الواقع وينفذ إتفاق التطبيع أخيرًا...
🔶️ من_كام_يوم_فاتوا كنت قولت لك فيه بالتفصيل عن خطة إسرائيل وأمريكا للسيطرة على ممرات النفط والملاحة فى المنطقة، وقلت إنهم بينفذوا حاليًا خطة خبيثة هدفها تطويق السعودية والضغط عليها عشان تنضم لإتفاقيات إبراهام، وإن ده هو السبب الحقيقى وراء عدم هجوم ترامب الحاسم على الحوثيين لحد دلوقتى...🔶 وبالفعل معداش كام يوم على كلامى، إلا وإبتدينا نشوف التسريبات الإعلامية العبرية عن إن إسرائيل أصبحت دلوقتى بالفعل بتقدم مساعدة إستخباراتية للرياض بإشراف أمريكى... 🔶 وبعدها على طول خرجت تصريحات ترامب، إللى عايز يوصل بيها الأمور لإن المملكة تقبل بوجود قوات ومنظومات إسرائيلية على أرضها بحجة (الدفاع والحماية)... 🔶 وكل ده مجرد بداية للى جاى... ما هو كل إحتلال ووصاية أجنبية على أى بلد، بيبدأ كده... والتاريخ يشهد...
🔹️ طيب_هل_مصر هتقف تتفرج على التطورات الكارثية دى وهى بتحصل؟🔹 لأ طبعًا... للأسف لم يعد هناك خيار من إتخاذ خطوة إستراتيجية لحماية النفوذ المصرى والإستقلال العربى فى أهم دولة خليجية، وعمق مصر الإستراتيجى ... 🔹 ولهذا السبب شوفتوا الرئيس فى خطابه وهو بيقول إن مصر مستعدة للدفاع عسكريًا عن السعودية "دون شروط" (إذا طلبت منا السعودية ذلك)...
🔹 وبالفعل طلب تفويض البرلمان للتدخل عسكريًا... 🔹 مهم_هنا تبقى عارف بوضوح إن التدخل ده لو حصل، هيكون (بحسب موقف مصر الرسمى) فى مهمة "دفاعية بحتة" لحماية أمن السعودية والخليج والبحر الأحمر، وليس للمشاركة فى مغامرات هجومية أو حروب بالوكالة لصالح حد...🔹 التحرك المصرى هنا هدفه ليس توسيع الحرب، بل على العكس تمامًا، الهدف هو منع توسع الحرب، وتقديم بديل عربى للدفاع عن السعودية بدل ما تتحول الأزمة لمدخل لوجود عسكرى إسرائيلى جديد فى المنطقة... 🔹 وثق تماماً يا صديقى: إنه فى تفاهمات غير معلنة مع إيران ومع الحوثيين بهذا الشأن... ⚫️ كل ده بيثبت إن المخطط إللى إتكلمت عنه من يومين بيتنفذ النهاردة بالحرف الواحد، والخطوة المصرية دى لمحاولة منعه وإنقاذ الموقف... ⚫️ ولو حضرتك مش واخد بالك، فللأسف الأمور كلها خلال الأيام الجاية رايحة فى إتجاه تصعيد كبير أمريكا بقالها أيام عاملة جسر جوى لنقل جنود ومعدات للشرق الأوسط، وبيعملوا حشد عسكرى أمريكى ضخم، بيقابله على الناحية التانية إستعدادات إسرائيلية وإيرانية لإستئناف الحرب، مع إضافة إن إيران المرة دى بتقول إنها ممكن توصل لمرحلة الإجتياح البرى لبعض دول الخليج، وتحريك فصائل من العراق واليمن!
⚫️ كل الخطوات إللى بتعملها أمريكا وإسرائيل دى: والتصعيد والضغط ده كله مقصود بيه توريط السعودية بشكل مباشر وخنقها تمهيدًا لإجبارها على التطبيع وتفعيل الحلف الإبراهيمى... وده إللى خلى الخطوة المصرية دلوقتى مبقاش فى منها مفر خلاص، لإنك لو إتأخرت أو سبت منطقة نفوذك وعمق أمنك القومى فى السعودية والبحر الأحمر؛ الإسرائيلى هيستبدلك هناك فورًا، وساعتها هتبقى كارثة إستراتيجية على مصر قبل أى حد...⚫️ للأسف الوضع أصبح معقد ومتداخل لأقصى درجة وغير مثالى بالمرة، وأصبحنا دلوقتى فى أخطر مرحلة تمر بيها منطقتنا على الإطلاق...
⚫️ حقيقى لو حد كان حكى الكلام ده لحضرتك من كام سنة بس... وإن الأمور هتوصل للحد ده، كان من المستحيل إنك تتخيل أو تصدق نص الكلام ده... لكنها للأسف وصلت، وأصبحنا حاليًا فى وسط عاصفة وكارثة محتملة لا يعلم مداها إلا الله... وكل ده بسبب إصرار العرب على الحرب ضد بعض، دلوقتى بالذات... وكإنهم كلهم بيفهموا وأنا المجنون الوحيد...طيب ان كنت كده حد يساعدنى للعلاج كلكم حبايبى وانا بحبكم حد يرد عليا.
■ربنا يسترها على بلدنا، ويحفظ إخواتنا فى كل مكان، ويحقن دماء العرب جميعًا ويخرجنا من الفتنة دى على خير .🔴 تعليقى : الأمن العربي ليس مجالًا للمغامرة!🔴 مصر مطالبة بالحفاظ على أمنها القومي ومساندة أشقائها، والسعودية لها الحق في حماية أمنها وسيادتها، وكل دول المنطقة معنية بمنع اتساع دائرة الصراع.🔴 المطلوب هو تنسيق عربي حقيقي، وتعاون دفاعي واضح، ودبلوماسية قوية، ووعي شعبي يميز بين الخبر المؤكد والتسريب والتحليل والتوقع.🔴 لا نريد حربًا عربية جديدة، ولا نريد أن يتحول أمن دولنا إلى ذريعة لفرض ترتيبات خارجية على المنطقة.اللهم احفظ مصر والسعودية وسائر الدول العربية، واحمِ شعوبنا من الفتن والحروب، واجمع كلمة العرب على الحق والحكمة، واحقن دماء الجميع، واكتب لمنطقتنا الأمن والسلام. 🔴 تحيا مصر قوية وآمنة وشامخة، وقادرة على حماية أمنها القومي ومصالحها الاستراتيجية.والله خير حافظًا وهو أرحم الراحمين. 🔴كرر معى وامن خلفى 🔴 حفظ الله مصر، قيادةً وشعبًا وجيشًا، وجعلها دائمًا واحةً للأمن والاستقرار، ومساندة الضعفاء عامة والاشقاء خاصة …. …ووفق أبناءها إلى كل خير…..وحفظ الله الزعيم السيسي البطل قولوا آمين 🔴 تحيا مصر 🔴 تحيا مصر 🔴 تحيا مصر 🔴 وحفظ شعوب المنطقة من ويلات الفوضى والصراعات. والحمد لله رب العالمين…﴿ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ ﴾. 🇪🇬
تعليقات
إرسال تعليق