قصيدة (فراق مكتوب)
بقلم الشاعر المصري
أحمد إبراهيم النجار
كان الحنين والشوق
والفجر مستني
ضاع الشروق ف غروب
والحلم ضاع مني
يا حبيبي ليه بتبيع
ضوء الصباح بدري
فكرتك أنت ربيع
كاسي الدروب وردي
يا خسارة ع الأيام
وخسارة فيك حبي
عشقت فيك الوطن
زاد العذاب فاض بي
يا خسارة ع الأشواق
إتبدلت أشواك
جرحت صمام قلبي
كان الفراق مكتوب
ساكن طريق قدري
مشيت وأنا المكلوم
وصرختي بتدوي
لملمت فى الأشلاء
الباقية من عمري
لا يوم هكون مكتوب
ولا ليا يوم أنتي
ومسكت فى الأحلام
لكن حبال أوهام
متعلقة بيدي
لا عدى يوم الليل
غايبة وأنا وحدي
بحلم فى يوم بشروق
مكتوب على شمسي
طال الشتا بغيوم
والرعد بيغني
غنوة أهات مسموع
والصوت قوي بيدوي
ده وهم ولا خيال
فى عيني ألف سؤال
لكن ما بتردي
زاد العناد بعناد
ولا حتى فكرتي
مين اللى عاش ياخد
ومين فينا عاش يِدي
مين اللى ضحى سنين
وبإيديك بتهِدي
ماشية ف طريق الشوك
حافية على جسري
زاد الغروب مكتوب
كلمة فراق مرغوب
منك ومش مني
ضاع الحنين والشوق
عليت أهاتي لفوق
وصرختي بتدوي
راحل مع المكتوب
متغربة شمسي
متغربة شمسي
متغربة شمسي
بقلم الشاعر المصري
أحمد إبراهيم النجار
 بقلم الشاعر المصري أحمد إبراهيم النجار كان الحنين والشوق والفجر مستني ضاع الشروق ف غروب والحلم ضاع مني يا حبيبي لي…){kind=link}
تعليقات
إرسال تعليق