بقلم الكاتب ياسر زينهم
لمدة 10 سنين كان هو الراجل رقم 1 في جوجل VP ومهندس زميل
الحاصل على نوبل الكمبيوتر جايزة تورينج 2018
فجأة في مايو 2023 قدم استقالته
السبب؟
قالها بنفسه عشان أقدر أتكلم بحرية عن مخاطر الذكاء الاصطناعي
ده مش موظف عادي ده أبو الذكاء الاصطناعي نفسه اللي بيحذرنا
من هو جيفري هينتون؟
بريطاني كندي عمره 75 سنة
أستاذ في جامعة تورنتو
في 2012 هو وطالبين بتوعه أسسوا شركة DNNresearch اللي جوجل اشترتها بـ 44 مليون دولار
شغله على الشبكات العصبية هو الأساس اللي مبني عليه ChatGPT و Google
ليه تنح؟
وما هي التصريحات الأخيرة؟
1 الخوف من سرعة التطور قال كنت فاكر إن الذكاء الاصطناعي هيتفوق على البشر بعد 30 لـ 50 سنة
دلوقتي مبقتش شايف كده
مصدوم من GPT-4 اللي تفوق على البشر في المعرفة العامة بفرق كبير
2 مخاطر التزييف خايف من القدرة على عمل صور ونصوص مزيفة مقنعة لدرجة إن الناس مش هتقدر تعرف إيه الحقيقي
3 ضياع الوظائف حذر إن الـ AI ممكن يزيح العمال بسرعة
4 سيناريو الكابوس bad actors ممكن يستخدموه لحاجات وحشة
ضرب مثال تخيل بوتين يدي للروبوتات القدرة على عمل أهداف فرعية لنفسها زي أنا محتاج قوة أكتر
5 الندم قالها صريحة للـ NYT جزء مني نادم على شغل حياته كله
وبرر بعزي نفسي بالعذر العادي لو أنا ماعملتوش حد تاني كان هيعمله
ليه دلوقتي بالذات؟
هينتون قال إنه عايز يتكلم عن مخاطر أمان الـ AI بدون ما يقلق من تأثير ده على بيزنس جوجل
طالما بقبض من جوجل مش هقدر أعمل كده
استقالته جت بعد شهر من رسالة 1000 باحث بيطالبوا بوقف تدريب أنظمة أقوى من GPT-4 caaef28c
جوجل ردت بنلتزم بمقاربة مسؤولة للذكاء الاصطناعي
وبنتعلم باستمرار عشان نفهم المخاطر الناشئة
الخلاصة في الكبسولة
رسالة أبو الذكاء الاصطناعي لينا
الراجل اللي بنى الصاروخ هو اللي بيقولنا الصاروخ ده ممكن يفلت
مشكلته مش مع جوجل شخصياً
هو قال جوجل اتصرفت بمسؤولية كبيرة
مشكلته مع السباق المحموم بين الشركات عشان محدش يتأخر
رسالته إحنا محتاجين نقلق
دلوقتي الـ AI مش أذكى مننا بس ممكن يبقى قريب جداً
السؤال اللي سابهولنا لما أبو الذكاء الاصطناعي يخاف من ابنه احنا المفروض نعمل إيه؟
تعليقات
إرسال تعليق