للشاعر محمد عبد العزيز رمضان
بتسمعلي وبسمعلك
سنين عمري وأنا ملازمك
يا كل حياتي مش هقدر
أعيش عمري وأنا مفارقك
بحبك أيوة مش أحلام
ولا كدبه وكتر كلام
بخاف يا حبيبي م الأوهام
بقولك انسى كل ملام
ياغايب عني وانت قريب
يا نسمة رقيقة وأغلى حبيب
ده بعدك عني نار ولهيب
يا سهم في قلبي مش بيخيب
وببعتلك بقلبي جواب
يا أغلى قصة جوا كتاب
ومش هرضى بلوم وعتاب
كفاية يا عمري كتر غياب
يا قطر حياتنا ليه بتفوت
ونفسي يا عمري بينا تعود
ونملى حياتنا خير وورود
وما يكونش كلام ووعود
ونتلاقى حبيبي كمان
ويرجع شوقنا زى زمان
وننسى همومنا والأحزان
يا كلمة جميلة شوق وحنان
وصدقتك يا أحلى عيون
وفكرتك في يوم هتصون
عليك يا حبيبي أيوه بهون
يا ألف خسارة ليه بتخون
خلاص انساني مش بهواك
وليه تندم ما كنت معاك
وياما أنا كنت بترجاك
بنادي عليك ومش بلقاك
حبيبي حياتي نور العين
ومشتاقلك سنين وسنين
أنا خايف تقول بعدين
يا قصة جميلة بين قلبين
تعليقات
إرسال تعليق