بقلم الكاتب الصحفي ياسر زينهم
القلم
أيوه يا صاحبي أنا اللي نسيتني؟
أهو أنا اللي بسأل عليك دلوقتي
عشان تعرف إني مهتم بيك
من ساعة ما كتبنا عن أمك رحمها الله
وانت اختفيت
لم ترني لأنك ضغطت على الزر ورحلت
فتركتني وتركت عقلي يُراجع كل ما مرّ بك
أنا
عندي سؤال ليك يا قلم
يمكن العين تخدع ويمكن العقل يُبرر
لكن كيف يُخدع القلب؟
القلم
سيبنا من ده دلوقتي يا رفيقي
عندي موضوع أهم نتكلم فيه
ومتفتكرش إني ناسي مشهد الذكريات اللي ليك عندي
بس تعال نتكلم عن شغلك الأول
عن رؤسائك عن اللي حصل معاك
أنا
هو ده قلم؟!
مش أخف من الأصحاب ولا من الحبايب؟
دول في الأول والآخر كانوا مديريني رؤسائي
وكنت فاكرهم أخوات كنت غلطان
القلم
تعال نحكي اللي عندي عنه بسيط
الجميع خذلك أليس كذلك؟
أصحابك، مديرينك، رؤسائك
وحتى أهل القانون اللي أمنتهم باعوك
صح ولا أنا غلطان؟
أنا
للأسف صح
الكل اتفق على شيء واحد
كان هدفهم رفدي
كانوا عايزيني أمرر الخطأ
أغمض عيني عن المال العام مقابل ثمن
القلم
فهمت يا صاحبي
يعني الخيانة ما كانتش من بره السور
كانت من جوه المكتب
من اللي كانوا بياكلوا معاك عيش وملح وبيقولوا لك أخويا
أنا
بالظبط
عشان كده قلبي اتخدع
لأني وثقت في اللي لابس بدلة أخ
وفي اللي ماسك قانون وباعه
القلم
اكتب يا صاحبي
اكتب إن الوجع الأكبر مش من الغريب
الوجع الأكبر لما اللي مفروض يحميك بالقانون
هو اللي يكسرك بيه
اكتب عشان متنساش
إن النزاهة لوحدها ممكن
توجع
بس هي السند الوحيد اللي مبيخونش
اكتب وأنا جنبك
تعليقات
إرسال تعليق