ماشي جوه الحيط مخنوق
وعايش ف الدنيا قلة موت
مرايتي رفضاني صبح وليل
والدنيا ف عنيا عين كتكوت
ماشـي ف الزحمة وحداني
سرحان ف الخلق والملكـوت
دمعتي سيول على خدودي
وانا اهون من بيت عنكبوت
وارمـي شباكي علىٰ رزقـي
أكُل حنضل وغيـري التـوت
دا قطـر الدنيا فاتني وسبقني
من غير م يغني ويقول توت
يقرب يخلص عمري واتحسر
واعيش اللي باقي ف سكوت
كلماتي:
الشاعر: حليم محمود أبوالعيلة
مصر
تعليقات
إرسال تعليق