اقيدي شموع الحُب تحيينا
وبلاش تطفي الشمس بعنادك
ابدري ف قلوبنا تقاوي حُب
واروي ربيـع الأمل برضابك
دا عرق جبيني فرع من نيلك
وشِعري اتغزل بدمي ومدادك
عُمري ف الحُب حاتم الطائي
ونبض قلبي مدد ف مدادك
عَرقي يتبخر ينزل برق ومطر
وسـيـوف تشُـق قلب جَلادك
يا سمرة يا ست الكل يا بهية
فجري شقشق عشق أمجادك
انتِ هوىٰ الهوا والضلة والقلة
وقلبي صبح رغيف في زوادك
كلماتي:
الشاعر: حليم محمود أبوالعيلة
مصر
تعليقات
إرسال تعليق