مصر القوة الاقتصادية المحركة في المنطقة بتتحول رسمياً لمركز عالمي للذهب،

كتب احــــمد القـــــــطعاني 

البنك الأفريقي للتصدير والاستيراد "أفريكسيم بنك" أعلن عن بدء تدشين أول مصفاة وبنك متخصص للذهب في مصر مع نهاية السنة دي باستثمارات بتوصل لـ 100 مليون دولار، بهدف إنتاج سبائك معتمدة دولياً وقابلة للتداول في كل بورصات العالم.

المشروع ده مش مجرد مصنع، ده منظومة متكاملة بدأت بمذكرة تفاهم مع البنك المركزي المصري، وهتتأمل في منطقة حرة مخصصة، فيها مرافق تخزين متأمنة على أعلى مستوى.

 الفكرة الأساسية هنا هي تقليل الاعتماد على مراكز التكرير والتداول اللي بره أفريقيا، وزيادة احتياطيات البنوك المركزية من الذهب. 

رئيس قطاع الاستثمار بالبنك "أيمن الزغبي" كشف إن شركة "ماكنزي" العالمية شغال على دراسات الجدوى، والمتوقع الإعلان عن خطوات البنك التنفيذية في الربع الثالث من السنة دي، على إن يبدأ الإنتاج الفعلي للمصفاة بين 2027 و2028.

في نفس السياق، التقرير كشف إن "أفريكسيم بنك" ضخ حوالي 700 مليون دولار في الربع الأول من السنة دي لدعم قطاعات الكهرباء والبترول في مصر وسداد مستحقات الشركاء الأجانب.

 وباعتبار مصر أكبر مساهم في البنك، فمحفظتها التمويلية القائمة وصلت لـ 9 مليارات دولار، ده غير إن البنك بيدعم شركات مقاولات مصرية بتنفذ مشاريع بمليار دولار في السعودية والإمارات وعُمان، عشان تفضل مصر القوة الاقتصادية المحركة في المنطقة.