للشاعر محمد عبد العزيز رمضان
نفسي أزور الكعبة
نفسي أملي عيني
نفسي أزورك يا نبي
شوقي يناديني
وأناجي طيفك يانبي
وأطفي ناري
حبك دا هو مطلبي
ليلي ونهاري
نفسي أقولك يا حبيبي
اللي جرالي
نفسي اجيلك واترمي
قدام عتابك
تغسل دموعي ذلتي
وأدق بابك
يا رايحين للنبي
روحو بسلامي
قولوا قلبي انكوى
وزاد غرامي
أنا قلبي داب م الهوى
وتاه كلامي
يا رايحين بلغوا
كل الحكاية
عاشق جمال النبي
والعشق غاية
أنا حبي ليك يا نبي
مالوش نهاية
بلغ رسولي وانت عنده
أنا نفسي أشوفه
وأملي عيني من جماله
وأبوس كفوفه
ويكون شفيعي عند ربي
يوم وقوفه
نفسي أطوف والبي
قلبي ناداني
وانسى الهموم واعدي
واجيله تاني
تعليقات
إرسال تعليق