بقلم :جيهان عطيه سويلم
أحيانًا بنبقى فاكرين إن تطوير الذات يعني إننا نبقى نسخة أقوى وأكمل من نفسنا، لكن الحقيقة إن الموضوع أعمق من كده.
تقبل نفسك هو البداية.
إنك تفهم إنك إنسان بتغلط وبتتعلم، وإن فيك مميزات وفيك عيوب، وده طبيعي مش نقص.
ومع الوقت بتكتشف إن الراحة الداخلية مش جاية من الكمال… لكن من الصلح مع نفسك.
التقرب من الله والالتزام بالعبادات بيدي إحساس بالطمأنينة، وبيخلي الإنسان أهدى وأثبت، وده بينعكس على ثقته في نفسه وحياته.
والتعلم برضه مهم لأنه بيوسّع الفهم وبيفتح أبواب جديدة للتطور.
لكن الأهم:
إن تطوير الذات مش بس مهارات أو أهداف، هو رحلة معرفة نفس.
إنك تفهم نفسك، نقاط قوتك وضعفك، وقيمك الحقيقية.
لأن ممكن شخص يكون ناجح جدًا من برّه، لكنه من جوّه مش مرتاح.
وتطوير الذات الحقيقي هو إنك تبقى أكثر وعيًا واتزانًا، مش مجرد أكثر إنجازًا.
ومن وجهة نظري، تطوير الذات شبه الزراعة…
مش بس بنزرع مهارات، لكن كمان بنهتم بالأرض من جوّه ونشيل اللي يعطل النمو.
لأن أي تغيير حقيقي… بيبدأ من الداخل قبل ما يبان في الخارج.
كل تغيير حقيقي… يبدأ من الداخل بهدوء.
تعليقات
إرسال تعليق