ك:أحمد عبد الرحمن صالح
✺
✺
✺
زمنا مش زمـــــــان الحب
وصعب تلاقي حــد يصون
لقلب بريئ رمـــــــاه قدره
فى سكة اللي غاوي يخون
مشـــاعر الناس بقت سهلة
وعِشرتهــــــم كمـان بتهون
زمـــان الحب نهـايته جواز
بيخلص بين إيـدين مأذون
لكن دلوقتي جوازهم شات
وفيس وماسنجـر الصهيون
مفيش عفـة مفيش انساب
وشهــــوة دنيئة ليهـا قانون
تخـــــون اكتر تكون ممتاز
ويبقلك جــــروب وصالون
يضـم النخبة مــن الأنجاس
ويتهــــــافتـوا عليه بجنون
✺
✺
لكن أهل العفـــــــاف بتبان
وبيحافظوا على اللي يكون
فريـد دايمـــــــــــاً بأخلاقه
وميسئش فى غيــره ظنون
وتفكيـــــــــره نبيـــل راقي
فى أفعـــــاله كمان موزون
رزين عـــــــــاقل بيتجاهل
لأي سفيه بـــــــذيئ مأفون
جمـــــــــال الروح بيشهدله
بعقـــــل كبير وقلب حنون
كريــــــم الاصل فى خلافه
آمين دايمـــــاً ومش بيهون
عليه العِشــــــرة واصحابها
يبختك لو قــــدرت تصون
زمنا ده زمـــــــــــان الغُلب
معدش الحب فيه مضمون
ولو مـــــره قـــــدرت تحب
يقــولوا عليك أكيد مجنون
✺
كلمات:أحمد عبد الرحمن صالح
تعليقات
إرسال تعليق