للشاعر محمد عبد العزيز رمضان
نهاية حبي مش كلمة
نهاية حبي مش أوهام
نهاية حبي مش لعبة
ولو لعبة هقوله سلام
سنين عدت وأنا خايف
ومش لاقي لنفسي كلام
يا دنيا كفاية تاخدينا
لتوهة وحيرة والأحلام
خلاص هبعد أنا مسافر
وهنسى كل شيء وياك
ومهما حبيبي هتحاول
كرهتك أيوه مش بهواك
وقلبي اللي أنت يوم بعته
فصعب حبيبي يبقى معاك
وصدقتك ولا داري
بإنك كنت يوم كداب
ياريتك سبتني ف حالي
رمتني ف حيرة شوق وعذاب
وقلت حبيبي وأنا مالي
لا همك دمعي لوم وعتاب
سامحتك بس مش فارق
طلعت حبيبي ليه غدار
وقلت خلاص أنا مفارق
ومنك كنت أنا محتار
سهرت الليل وأنا عاشق
وقلبي اللي انكوى بالنار
بقولك روح كدا كفاية
بحن حبيبي أيوة ساعات
خيانتك ليا دي نهاية
قتلت ما بنا أحلى حاجات
دي كانت أحلى ضحكاية
وصبحت ماضي عدى وفات
تعليقات
إرسال تعليق