بقلم... منال الجيار
أنا يمكن أكون مش بَعرف أعَبّر ولا أقولك
إنك حبيبي وأخويا وسندي في أيامي
وإنك عِوض ربي اللي طَمّن قلبي وخلاني
أصدق إن الدنيا لسه فيها أمان تاني
يمكن كلامي بسيط مش متزوق بمعاني
بس كل حرف طالع من قلبي ووجداني
يا صاحبي ياللي ضحكتك بتمسح أحزاني
يا أول ما أفرح أجيله يطمنّي في ثواني
وأرمي همومي في حضنك كأني لقيت مكاني
وأقول للدنيا كلها ده اللي حاميني وأحياني
في غيبتك بأسأل عليك وكأني تايه وحداني
يا أطيب قلب شفته يا أحنّ ما في زماني
وجودك نعمة غالية ربي ما يحرمنيش منها تاني
أصل العشرة مش كلام دي مواقف بتِحميني
وأنت في كل اختبار كنت اللي بتقويني
يا صاحبي يا عشرة عمري يا حتة من كياني
مهما أقول فيك كلام برضه قليل فيك المعاني
كفاية إنك جنبي في فرحي وفي أحزاني
وده عندي بالدنيا وده اللي مالي عيني وأماني
تعليقات
إرسال تعليق