بعد ما اتعلمت من التعب

بقلم/نشأت البسيوني 

في وقت معين يوصل الإنسان لمرحلة مش بيكون فيها مجرد تعبان لكنه بيكون اتعلم من التعب نفسه اتعلم من الوجع اللي كان فاكر إنه هيكسره واتعلم من الصمت اللي كان بيخبيه واتعلم من اللي سابه واتعلم من اللي استنزفه واتعلم من اللحظات اللي افتكر إنها نهايته لكنها كانت بداية جديدة ما كانش شايفها وفي اللحظة دي يبص على نفسه بوعي مختلف يشوف إنه كان بيدي أكتر مما يجب 

وبيسكت أكتر مما يستحق وبيتحامل على نفسه عشان يسعد ناس ما فكروش يسعدوه يوم ويشيل علاقات بأكتافه لوحده ويحارب لأماكن ما كانتش شايفاه ويحافظ على وجود ما حافظش عليه حد غيره ومع الوقت يبدأ يفهم إن مش كل حاجة تستاهل المحاولة وإن مش كل شخص يستاهل البقاء وإن مش كل وعد يستاهل التصديق وإن في ناس مهما اديت مش هيشوفوا تعبك وفي مواقف 

مهما صبرت مش هتتغير وفي أبواب مهما فتحت هيفضل الورق اللي وراها فاضي ومن هنا يحصل التحول الكبير يبدأ يحس إنه لازم يختار نفسه لأول مرة من غير خوف ولا حساب يبدأ يحط حدود واضحة ويمنع أي حد يتخطاها يبدأ يسمع قلبه ويصدق إحساسه اللي كان بيكتمه يبدأ يراجع علاقاته ويشوف مين فعلاً أمان ومين كان حمل تقيل على قلبه ويبدأ يعيش بشكل أهدى من 

الأول مش لأنه اتغير بس لكنه فهم فهم إنه مش لازم يرضي الكل فهم إن التضحية لو مش متبادلة بتتحول لاستنزاف فهم إن التمسك بالمؤذي مش قوة وإن البقاء مع اللي ما يعرفشي قيمته مش حب فهم إن أجمل راحة في الدنيا إنك تختار نفسك بدون ما تستأذن حد ومع الأيام الجديدة يحس إن روحه بقت مستقرة وإن تعبه القديم بقى درس وإن دموعه اللي نزلت بقت قوة وإن خيبته 

بقت حماية وإن الوعي اللي اتولد جواه بقى أكبر من أي أذى وإن الحياة بقت أوضح وأهدى لأنه لأول مرة شايف نفسه من غير ما يضللها يعرف الإنسان إن التعب مش دايم لكن أثره هو اللي بيغير وإن الوجع مش نهاية لكنه نقطة تحول وإن كل حاجة كسرتك امبارح هي السبب إنك واقف دلوقتي بثبات أكتر وإنك مهما خسرت من الناس عمرك ما هتخسر نفسك طالما اتعلمت تختارها