بقلم الأستاذ أحمد يونس
أنا الأم اللي وجعها ما بان… بس ربّت رجال وقت الامتحان
أنا الموظفة… في عز التعب ثابتة… لا هزها وقت ولا خان
أنا اللي من الصفر بدأت الحكاية… وبإيدي بنيت طريق الأمان
أنا صوت الحق لما سكتوا… وأنا الصبر لما ضاق المكان
أنا اللي قلت للظلم لأ… ورفعت راسي في وش الطغيان
أنا اللي دعيت بدموعي لربي… لا اشتكيت لخلق ولا يوم هان
أنا اللي شلت حمل سنين لوحدي… وكنت الأم والأب في آن
أنا اللي بعت الدنيا عشان ولادي… واشتريت بكرة ليهم بالأمان
ونسيت نفسي في زحمة الأيام… بس قلبي عمره ما ندمان
أنا مش حكاية عابرة وتعدي…
أنا وجع اتحول لقوة…
أنا سيرة ست صعيدية جدعة…
لو وقعت… تقوم أقوى
أنا اللي لو الزمن مال يوم…
أعدله بإيماني ويقيني
أنا مش بس اسم يتقال…
أنا حكاية كفاح سنيني 💙
انا رجاء شوقي أحمد
تعليقات
إرسال تعليق