رسالة إلى كل شاب : مغروم بالإعلام ويحلم يكون إعلامي ناجح

الإعلام موش مجرد شهرة ولا “بوز”، الإعلام مسؤولية وأخلاق قبل كل شيء. إذا تحب تنجح في المجال هذا، لازمك تخدم في الميدان بقلبك، بحب، وبثقة كبيرة في روحك.

أول حاجة، احترم حدودك المهنية، وما تدخلش في أعراض الناس ولا تبني محتواك على الإثارة الفارغة.

 خدمتك الحقيقية

هي نقل الواقع بطريقة محترمة: احكي على مشاكل الطرقات، قضايا المجتمع، ثقافة الجهة، وقرّب الناس من الفنانين و الأنشطة الإيجابية.

ثاني حاجة، الحضور والاستمرارية. الإعلامي الناجح هو اللي ديما موجود، ما يتعبش، وما يستسلمش. الطريق صعيب، أما بالإرادة توصل.

ثالث حاجة، اختار مجالك بذكاء. ما يلزمش تبدأ بالسياسة، خاصة كانك مازلت في البداية. تنجم تبدع أكثر في البرامج الرياضية، الاجتماعية أو الثقافية وين تنجم تعطي قيمة حقيقية.

وما تقولش “ما عنديش إمكانيات”. اليوم، التاليفون يكفي باش تبدأ. خطوة خطوة، تطور روحك، ومع الوقت تنجم توفر معدات أفضل. 

الأهم هو الفكرة، الحضور، والمصداقية.

عن تجربة، تنجم تعمل فرق كبير حتى بإمكانيات بسيطة، وتنجم توصل تغطي أحداث و مهرجانات كبيرة، ويمكن أكثر من ناس عندهم إمكانيات أكبر.

بقلم :الاعلامي

 محمد السعيدي