ك:أحمد عبد الرحمن صالح
▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓▓
✺
✺
حــــــــاولت أكتب فـى عيد الام
قصيـدة عشـــــــــــــــان أهنيكى
لقيت الحـــــــــرف تـــــــاه مني
وعـــــــــــــــــــزّانى القلـم فيكى
ودمعى لقيته ســـــــــــــاب مني
معــــــــــــدش العيد يليق بيكى
بكيت مــــــــن قســــــــوة الدنيا
وقهـــــــــــــــــر بعيشـه بعديكى
أنـــا التايـــــــــــه فـى ليل ذكرى
بتقتل قلب عــــــــــــــاش ليكى
مكنتش لحظـــــــــــــــــة أتخيل
بإنــــــــى مــــــــــــش هلاقيكى
قصــــــــــاد عينى ببوس إيديك
وراكــــــــــــــــــع تحت رجليكى
وايـــدك مــــــــاشية على شعرى
يارتني قــــــــــــــــدرت أفديكى
حنــان دافــــــــــــــــي بيغمرني
ساعــــــــــة ما ببص فى عينكى
يــــا أغلى عندى مــــــــن نفسى
يــــا قصـــــــــــــة حب بحكيكى
لكل اللى يقـــابلنى حكيت عنك
ويتمنوا بإنّ المـــــــــولى يِحِيكى
عشــــــــان خاطـرى لأنى بموت
ومش قادر أكمل عمرى بعديكى
فى عيــــــد الام دعيت م القلب
لربــــــــي إنـــــــــــــــه يرضيكى
ويجعــل سَكَنك الجنة وصُحبتها
ومــــن خيـــرتهــــــــــا يعطيكى
سألت الله بكل يقين وكل إيمان
يـوصلنـــــــــــــــــــــى أوام ليكى
✺
كلمات:أحمد عبد الرحمن صالح
تعليقات
إرسال تعليق