بقلمي محمد عنانى
لا الدنيا كل السبب
ولا مشيها البطال
ولا فيها كل العبر
حالها ما زيه حال
كل العيوب فينا
وكتير كمان يتقال
دنيا صحيح مغريه
بشباك كتير وحبال
وإحنا طريقنا عوج
عاشقين لمشي شمال
وورا الحرام نجري
بصور كتير واشكال
وقطعنا صلة الرحم
صار همنا في المال
نسينا معنى الوفا
ومعاه قطعنا وصال
وقلوبنا فيها القساوه
مالهاش بجد مثال
راح خوفنا من ربنا
كان تاجنا كان راسمال
ونقولوا إيه السبب
في حالنا ده اللي مال
ياريت نفوق ونتوب
ونحسن الأفعال
نمشي بقا في العِدل
مع صدق في الأقوال
وما بينا تصفا النوايا
واللقمه تبقا حلال
نلزم طريق ربنا
دا فيه صلاح الحال
تعليقات
إرسال تعليق