مقام النفس

بقلم/نشأت البسيوني 

في وقت معين الانسان بيكتشف ان اعلى قيمة ممكن يحافظ عليها مش رأي الناس فيه ولا صورته قدام المجتمع ولا الكلام اللي يتقال عنه في القعدة ولا النظرات اللي تتحول من اعجاب لانتقاد ولا من دعم لحسد قيمة الانسان الحقيقية هي مقام نفسه مقامه اللي اتبنى من وجع ووقفات وقرارات كان ممكن تكسره بس هي اللي رفعته مقام ما بيتحددش بكم حد بيصفق له ولا بكم اسم بيتقال قبله او 

بعده مقام مصدره احترامه لنفسه حتى وهو مكسور وثقته في قدرته حتى وهو متحاصر وتمسكه بكرامته حتى وهو محتاج لان في لحظة معينة الانسان بيفوق ويفهم ان الدنيا مش هتدي حد قيمته لو هو نفسه مش عارف قيمها وان اللي يستنى الاعتراف من الناس يستنى عمره كله من غير ما ياخد حاجه لان القيمة مش بيمنحوها الناس القيمة بتطلع من جوه من الصمود من الثبات من 

انك تعرف امتى تقول اه وامتى تقول لا وامتى توقف وامتى تكمل وامتى تهزر وامتى تسكت وامتى تتجنب وامتى تواجه لان مقام النفس مش كلام مقام النفس معارك داخلية محدش شافها وقرارات صعبة اتاخدت في عز الوحدة وصمت طويل كان شكله ضعف لكنه كان قمة القوة لانك كنت بتحارب نفسك عشان تثبت لنفسك انك تستاهل مكان افضل ووقت افضل وحياة افضل الانسان اللي فاهم 

مقام نفسه عمره ما ينحني حتى لو اتكسر عمره ما يتساوى حتى لو اتظلم وعمره ما ينحط في مقارنة حتى لو حاولوا يطفوه لانه مش داخل سباق مع حد هو داخل سباق مع نفسه كل يوم يقاوم حاجة جوه ويحسن حاجة جوه ويعلي مقامه جوه ومع الوقت مقام النفس يبقى درع ما يتكسرش وسلاح ما يصدأش وثبات يخلي كل حاجة حواليك تتغير الا انت وتفضل فاهم قيمتك مهما الظروف 

لعبت ومهما الناس قللت ومهما الحظ اتأخر لان اللي بيملك مقام نفسه عمره ما يخسر حتى لو خسر كل حاجه ولما ييجي وقته يقف على مسرح الحياة يقف ثابت ورافع راسه وباصص للكل بنظرة واحدة بس بتقول انا عارف انا مين وعارف انا ايه وعارف اني عمري ما كنت قليل ولا هكون وفي النهاية مقام النفس هو اللي بيفصل بين شخص عايش وشخص موجود بين شخص بيعدي 

وشخص ليه علامة بين شخص اتولد وبين شخص اتحسب حسابه لان اللي حافظ على مقام نفسه عمره ما كان رقم في الزحمة عمره كان مقام يحترم ويتشاف ويتحسب له الف حساب