بقلم/ علاء بدوية
..أصعب صعاب الحياة
سقوط صحاب رحلة
حياتك ياولد
..إنك فى يوم من الأيام
يصبح عددهم كمالة عدد
..من بعد ماكنت بتنادي
معاهم مدد مدد مدد
..وماشي كتفك ب كتفهم
من بلد لبلد لبلد
..كنت الولد اللي عليه القصد
فى الصحبه وابن البلد
..وكنت لعدد كتير منهم فى
غربتك وحضرتك كنت السند
..ولا عمرك فرقت بينك وبينهم
كأنه من بطن أمك إتولد
..راح الزمان وعاد الزمان
واغتنى اللي كان عليك بيتسند
..وعشان غنى من بعد
جوع ركبه الغرور عن عمد
..ماشي يقول أنا ابن العز
وأنا أغنى واحد فى البلد
..موش عارف إننا كنا
اللي بنشغله يوم ما اترفد
..و فتحت باب رزق له أمام
باب رزقي وكنت له سند
..أصبح عايش وخايف من
الناس من الحسد
..لو فيه قانون للخسه
والنداله كنت أول واحد
تتجلد
..أفسد فساد فى الأرض
إذا صاحب العمر اتفسد
..وعايش كأنه لا يعرفك
ولا تعرفه من قبل ياولد
..بحق ٱية الكرسي
والمعوذتين وقل هو الله ٱحد
..عمرك ما تعرف تصالحني
لو جبت كل اهل البلد
..وجمعت كل الكبار
والصغار والولاد ولد ولد
..من بعد ما تركت فرحتي
اللي فرحت بيها لأول ولد
..والدنيا دواره ودوام الحال
من المحال كما ورد
..وبكرا جاي إن شاء ربك
وهيرجع البلد فى يوم الولد
..وساعتها حتى العتاب
واللوم خساره فيك
بالقصد والعمد
..كيف العتاب ياصحاب
العيش والملح إذا الملح فسد
...(بحار غربة..اصعب صعاب الحياة ياولد..إذا ملح الصحاب فى يوم فسد)
تعليقات
إرسال تعليق