الناس اللي بتكبر من جوه قبل ما تكبر في العمر

 

بقلم/نشأت البسيوني 

في ناس مهما عدت عليهم السنين تلاقي شكلهم هو هو بس جواهم حصلت معارك وتغيرات وتجارب عمر كامل ناس كبرت من جوه قبل ما الزمن يسيب علامة على ملامحها ناس نضجت في الروح قبل ما تنضج في الملامح دول الناس اللي اتعلموا بدري ان ما فيش حاجه مضمونه وان مش كل وعد يتحقق وان اللي يختار يبعد ما يستاهلش الجري وراه وان العلاقات اللي ما تبذلش مجهود متبادل 

هتسقط لوحدها مهما حاولت تشيلها كبروا من جوه لانهم شافوا خيبات كانت اكبر من عمرهم وقتها ووقفوا بعدها وكأنهم ما وقعوش كبروا لانهم اتعلقوا بناس اتبين ان وجودهم مؤقت وتعلموا بعدها ان مؤقت مش دايم وان الدوام لله وحده كبروا لانهم ادو مشاعر اكبر من اللي رجعت ليهم بس اتعلموا ان العطاء قيمة حتى لو ما لاقاش تقدير تلاقيهم ما عادوش يزعلوا من حاجه صغيره وما 

عادوش يتصدموا من حد وما عادوش يستغربوا التغير وما عادوش يجروا وراء اللي يهرب بالعكس بقى عندهم عقل اهدى وقلب انضج وروح تفهم قبل ما تسأل الناس دي بقت تعرف حدودها وحدود غيرها بقت تحب من غير ما تفقد نفسها وتسامح من غير ما ترجع لمكان وجعها وتضحك وهي عارفه ان مش كل ضحكه دليل راحه بس دليل انهم اقوى من اللي حصل كبروا من جوه لحد ما بقوا 

يشوفوا الاشياء بشكل مختلف بقوا يعرفوا ان الهدوء نعمه وان الصمت حل احيانا وان البعد احيانا رحمه وان فقد الناس الصح مكسب حتى لو وجع في اوله ولما تبص لهم من بره تلاقيهم عاديين لكن من جوه كانوا وما زالوا ابطال معارك محدش شافها ولا سمع عنها ولا حس بيها وفي كل مره كانوا يرجعوا اقوى من قبل الناس اللي كبرت من جوه قبل العمر هما اللي يعرفوا يعيشوا كويس 

يعرفوا يرسموا حدود يعرفوا يحبوا بعقل ويختاروا بقلب يعرفوا مين يستحق قربهم ومين وجوده خسارة ناس اتعلموا ان الحياة ما تعطيش كل شيء لكن تعطي اللي يفهم قيمته