بقلم /محسن رجب جودة
وبنفارق حبايبنا ونتغرب
وبنفارق حبايبنا وبنجرب
بلاد الغربة وخدانا ونتشرد
حواريها وسكنها
ورسم العشاق على جدرها
عتبنا عـ الزمن ياما.. وعاتبنا
بحر الغربة غدّار.. وغرّقنا
نسينا الفرح من يوم ما فارقنا
موانينا..
وضاعت في الضباب والليل
أمانينا.. وأسامينا
خواطرنا انكسر فيها جناح الشوق
وكل ما نقول خلاص بنفوق
نلاقي الخوف في عتمة سكتك يا غربة
بيطوينا..
ويسألنا عن العمر اللي فات
ومين فينا.. بيواسينا؟
بقينا نخاف من المكتوب ومن بكرة
ومن قلبٍ ملاه الهم والحسرة
بقينا نعد في الساعات.. وفي الأيام
ليالينا..
ونرسم في الخيال الرجعة
لأهالينا.. ووادينا
وآدينا رجعنا يا أحبابنا.. وادينا
بدمع العين.. غسلنا جرح ماضينا
لكن يا خسارة لما الروح تناديكم
تلاقي الشيب..
سكن فينا وفي ملامحكم
ولا حتى.. عرفتونا ولا عرفنا أراضينا
وبنفارق حبايبنا.
تعليقات
إرسال تعليق