ظل الذاكرة

بقلم/نشأت البسيوني 

في زاوية بعيدة من القلب بتتخزن الذكريات مش بس صور أو لحظات لكن إحساس كامل بيبقى مسكوت عنه إحساس بالفرح اللي مر وإحساس بالحزن اللي فات إحساس بالحب اللي ضاع وإحساس بالخيبة اللي جرحك من غير ما تحس وبتكتشف فجأة إن كل لحظة كانت درس وكل دمعة كانت رسالة وكل صمت كان صراخ جوه روحك واللي اتعلمته من كل ده إن الحياة مش بس خطوات على 

أرض صلبة لكن رحلة من وجع وفرح وصراع داخلي ومواجهة نفسك كل يوم الذكريات ساعات بتيجي لك من غير مقدمات من رائحة أو صوت أو منظر بسيط فبتحس إن الزمن رجع لقدام وانت واقف هناك مرة تاني وبتحس بنفس الحنين ونفس الألم ونفس الخيبة ونفس الشوق ونفس الندم وكل حاجة مرت وانت ماكنتش واعي بيها وقتها بتتجمع فجأة جوه قلبك وبتخليك تعيد التفكير 

في كل اللي فات وتفتكر مين كنت ومين بقيت ومين ضحك عليك ومين ضحيت عشانه ومين خانك ومين استحق وجودك في ظل الذكريات بتعرف قيمتك الحقيقية بعيد عن أي شهادات أو كلام الناس بعيد عن أي مكان أو أي شخص بعيد عن أي نجاح أو أي فشل بعيد عن أي صوت بيرميك للتقليل من نفسك هنا بس أنت مع نفسك وجوهرك وأحاسيسك اللي محدش يعرفها غيرك وهنا بتقرر 

مين اللي يستاهل مكان في قلبك ومين اللي لازم يروح ومين اللي لازم تنسى ومين اللي لازم تغفر ومين اللي لازم تسيبها للزمن يمر

والظل ده مش بس حنين أو وجع ده وعي باللي فات ودرس لللي جاي قوة صمت وسلام داخلي تسامح مع النفس ومع العالم مهارة اختيار الطريق الصح حتى لو صعب حتى لو مظلم حتى لو محتاج منك شجاعة ماكنتش تعرف إنك قادر عليها قبل كده وهنا بس 

بتكتشف إن الحياة مش على قد ما بنتمنى لكن على قد ما بنتعلم ونعرف نصبر ونتحمل ونسامح ونحب ونتحرر من كل اللي ضايقنا

ظل الذاكرة بيعلمك إن كل اللي حصل كان ليه سبب وإن كل اللي راح كان بيجهزلك فرصة تانية وإن كل وجع وكل ألم وكل فرحة كانت بتجهزك للي جاي وإن كل لحظة ممكن تتحول لدافع لتبدأ من جديد بقوة أعمق وشجاعة أكبر ووعي أكتر وإنك مهما ضعت أو 

اتوه أو اتكسرت لازم تعرف إنك دايما قادر تقوم وتمشي وتختار طريقك بنفسك بعيد عن أي حد بعيد عن أي حكم بعيد عن أي ضغط وكل اللي محتاجه بس تسمع نفسك وتحتفظ بالقيمة بتاعتك وتعرف إن اللي جوه قلبك هو اللي الأهم في الآخر ظل الذاكرة بيخليك تقف واقف وسط عالم مليان ضوضاء وشدة وبتفهم إن اللي مهم مش اللي ضاع ولا اللي جاي لكن اللي أنت محتفظ بيه 

جوه قلبك واللي أنت اخترت تحافظ عليه واللي أنت قررت تعيش عشانه وتكبر وتتعلم وتستمر مهما كانت الأيام قاسية ومهما كانت اللحظات صعبة ومهما كانت الناس حوالينك مش فاهمين أو مش مهتمين