السماء التي لم نرفع لها رؤوسنا

بقلم/نشأت البسيوني 

في لحظة غريبة يكتشف الانسان ان السماء مش بس مساحة فوقه مش بس لون ولا غيم ولا شمس مش بس ضوء وظل السماء دي مكان فيه اسئلة مكان فيه انتظار مكان فيه صمت يقدر يسمع فيه الانسان نفسه لأول مرة مكان يوريه حاجات ما كانش شايفها قبل كده السماء اللي ما رفعناش لها رؤوسنا ساعات بتظهر لما نكون ضايعين بين ضوضاء العالم ومشاغله لما يكون قلبنا مليان حاجات 

ما عرفناش نعبر عنها لما نحتاج هدوء صافي يريح دماغنا ويهدي الروح السماء دي مش دايما لونها ازرق او احمر أحيانا بيبقى رمادي أو اسود لكنها بتدي فرصة اننا نشوف الدنيا من بعيد ونفهم ان اللي حوالينا كله صغير قدام المساحة اللي جوا وفي الوقت ده الانسان يحس بغرابة روحه يحس انه مش لوحده رغم العزلة يحس انه جزء من حاجة أكبر من كل المشاكل اللي كان شايلها من سنين 

يحس ان كل اللي ضاع مش ضاع وكل اللي تعب مش راح وكل لحظة حس فيها بالضيق كانت مجرد تحضير للحظة دي والأجمل ان السماء اللي ما رفعناش لها رؤوسنا مش محتاجة ان نفهمها مش محتاجة ان نلمسها هي بس موجودة وهي بتعلم الانسان الصبر والهدوء والتواضع وهي بتوريه ان الانسان مش نهاية الكون ولا بداية الكون بس جزء صغير قادر يشوف ويسمع ويحس وفي 

اللحظة اللي الانسان فيها يرفع راسه للسماء لأول مرة يكتشف حاجه بسيطة لكنه عميقة يكتشف ان الجمال مش دايما في اللي واضح للعين الجارية مش دايما في المواقف الكبيرة مش دايما في الكلمات اللي بيتقالها الجمال الحقيقي موجود في لحظة صمت موجود في قدرة القلب على التقدير موجود في النظر بدون توقع

وبعدها الانسان يمشي في الدنيا وهو شايل السماء جواه السماء 

اللي علمته الصبر السماء اللي علمته التواضع السماء اللي وريته انه قادر على الحب والامان حتى لو كان لوحده حتى لو العالم كله مش فاهمه الانسان يعرف ان السماوات اللي ما رفعناش لها رؤوسنا هي اللي بتكون جزء مننا طول عمرنا وهي اللي بتخلينا نكبر من غير ما نلاحظ ونفهم قيمة كل 

ثانية عشناها