ظل الصمت

بقلم/نشأت البسيوني 

في صمت الليل بتحس إن كل حاجة حوالينك ساكتة حتى نفسك اللي كانت دايمًا بتملأ المكان فجأة بتلاقيها هادية وكأنك واقف في نص عالم كله توقف وكل الأصوات اختفت بتحس بالفراغ اللي مليان أفكار ومشاعر ما تعرفش ترتبها كل لحظة صمت بتخليك تواجه نفسك وجواك حاجات ما كنتش عايز تشوفها حاجات دفنتها سنين حاجات كنت فاكر إنها راحت بس لسه موجودة بتسأل نفسك 

ليه اتعمل كده ليه الدنيا مش عادلة ليه اللي بيستحق بيمر بمحن واللي ما يستحقش يمشي براحة بتسمع صوت قلبك الحقيقي اللي طول عمرك حاولت تتجاهله وتحس إن كل تجربة وكل وجع وكل فقد كان بيبنيك من جوه وكان بيعلمك تفرق بين اللي مهم واللي مضيع وقتك واللي يحبك بصدق واللي بيستغل طيبتك وكل صمت بيخليك أقوى كل دمعة بتسقط عليك بتخليك أهدى كل ألم بيعدي 

عليك بيخليك أعمق في فهم حياتك وفي فهم نفسك وبالرغم من كل ده تكتشف إن الصمت مش ضعف مش هروب مش فراغ الصمت مساحة لترتيب أفكارك لتصالح روحك لتعرف حدودك لتسمع نفسك بدون تشويش بدون ضغط بدون توقعات من حد تاني الصمت فرصة تبني نفسك من جديد فرصة تمسح كل اللي ضاع فرصة تفهم إن كل خطوة أخدتها وكل قرار اتخذته حتى لو 

غلط كان درس علمك حاجة عن قوتك وعن قيمتك عن ناس حوالينك عن دنيا حوالينك عن نفسك بعد كل صمت وبعد كل لحظة وجع وبعد كل تأمل تلاقي نفسك أقوى أهدى أصفى أقدر تحب من غير خوف أقدر تختار بحكمة أقدر تحمي قلبك أقدر تفرح من غير ما تنتظر حد أقدر تعيش حياتك وانت عارف قيمتك وانت عارف قوتك وانت عارف إن الصمت مش نهاية الصمت بداية حياة جديدة 

حياة فيها وضوح فيها سلام داخلي فيها وعي بما حصللك وباللي جاي فيها قدرة على التعامل مع أي وجع جديد فيها فرصة حقيقية لتكون نسخة أفضل من نفسك النسخة اللي تعرف إن كل حاجة في حياتها حتى الألم كان درس