حين يقرر الإنسان أن يبدأ من أول وجديد

بقلم/نشأت البسيوني 

في لحظة معينة في العمر بنوصل لمرحلة ما فيهاش فايدة من الاستمرار بنفس الطريقة ولا من تكرار نفس الأخطاء ولا من محاولة إصلاح حاجات خلاص عمرها الافتراضي انتهى بنوصل للحظة نقول فيها كفاية ونفهم إن اللي اتكسر ما يرجعش زي ما كان وإن اللي اتغير مش هيرجع تاني وإن اللي رحل مكانه مش عندنا من الأساس ساعتها بنبدأ نفكر بهدوء لأول مرة من سنين ونشوف 

حياتنا بنظرة أنقى وأصدق من أي وقت فات لما نقرر نبدأ من أول وجديد ما بنرجعش زي النسخة الأولى مننا بالعكس بنرجع نسخة اتدربت بالقسوة واتهذبت بالمواقف واتعلمت من الناس واتحرقت من مشاعر ما كانتش على قد نيتنا وبقينا عارفين يعني إيه ندي بحساب ونحب بوعي ونقرب بحذر ونسمح بدخول ناس شبه قلوبنا مش شبه وجعنا القديم ونتأكد إن الطيبة مش ضعف وإن 

الاعتذار مش إهانة وإن البعد مش خيانة وإن الصمت مش انهزام الصمت حكمة البعد راحة والنية الطيبة عمل مش كلام البدء من جديد مش معناه إننا نمسح الماضي بالعكس الماضي بيبقى شاهد علينا شاهد إننا حاولنا واتوجعنا واتكسفنا واتحاربنا واتخزلنا وفي الآخر اخترنا نفسنا اخترنا نكمل من غير صوت عالي ومن غير دموع سايبة ومن غير رغبة نثبت لحد إننا كويسين فكونا من كل 

ده وبدأنا نفهم إن اللي يستاهل يشوف حقيقتنا من غير ما نشرح واللي يستحق يكمل معانا هيفضل من غير ما نتوسل له وجوده

ومع كل خطوة جديدة هنلاقي نفسنا بنرتاح أكتر بنسامح أكتر بنطمن أكتر وهنلاقي إن الأمان الحقيقي مش في وجود حد الأمان الحقيقي جوا القلب اللي اتعلم يقف على رجليه وما يستناش سند من حد ما يعرفش قيمة السند وإن السعادة مش في الضحك 

السعادة في الهدوء اللي يسبق النوم والراحة اللي تعقب القرار والقوة اللي تطلع من جوه لما تبطل تحارب ضد اللي بيأذيك

وحين نبدأ بداية جديدة هنشوف الدنيا بنور مختلف أوسع أنقى أهدى ومش هنبص لورا غير علشان نشكر ربنا إننا مشينا ومنتهيناش عند أول خسارة وإن القلوب اللي خزلتنا علمتنا نختار أحسن وإن الحكايات اللي خلصت بدري فتحت لنا أبواب عمر 

طويل لسه مقبل وفي آخر المشهد نكتشف إن أجمل بداية هي اللي بتطلع من قلب اتظلم واتوجع واتخدع وفي الآخر عرف قيمته وقرر يبني حياة تليق بيه وتليق براحته وتليق بكرامته وتليق بروحه

بداية تقال عنها بثقة أنا أخيرا بدأت من جد

يد بالطريقة الصح