حين يختبرك الطريق قبل أن يمنحك ملامحه

بقلم/نشأت البسيوني 

في أوقات كتير بنمشي في طريق إحنا مش فاهمينه ولا عارفين نهايته فين وبنفتكر إن الدنيا ماشية ضدنا وإن كل خطوة غلط هي علامة إن القدر مش رايد لنا نكمل لكن مع الوقت بنكتشف إن الطريق ما كانش بيضايقنا الطريق كان بيجهزنا كان بيعلمنا نثبت رجلينا في الأرض قبل ما نمد إيدينا للسماء وكان بيخلي قلوبنا تتقوى بالوجع علشان تعرف تحتمل الفرح لما ييجي من غير ما 

تضيع تاني وأحيانا بنفتكر إن الحاجات اللي اتاخدت منا كانت خسارة وإن الوجوه اللي غابت كانت نهاية لكن نرجع نفهم بعد سنين إن في ناس كانت مجرد عبور وإن وجودهم كان درس مش قدر وإن غيابهم كان حماية مش ألم وإنك مش محتاج تحتفظ بحد وجوده بيتعبك لمجرد إنك اتعودت عليه لأن العادة مش حب والوجود مش قيمة والضجيج مش أمان ولما تكمل لوحدك فترة 

طويلة هتعرف إن السند الحقيقي هو اللي جواك وإن القوة مش صوت عالي ولا شكلك قدام الناس القوة الحقيقية إن قلبك يتهز وما يقعش وإن روحك تتكسر وما تنطفيش وإنك تتألم بس ما تكرهش وتطيح منك محطات بس ما تفقدش الاتجاه وهتعرف إن الأحلام اللي اتأجلت اتأجلت عشان تبقى أجمل وإن الدروب اللي اتقفلت اتقفلت عشان تفتح لك أبواب مكانها مش هنا وإنك طول 

الوقت كنت فاكر إن الحكاية ضاعت لكن الحقيقة إن الحكاية لسه بتبدأ وإن ربنا عمره ما أخر خير عن حد يستحقه وعمره ما خبى جمال عن قلب نضيف وهتلاقي نفسك بتتغير ببطء من غير ما تحس هتبطل تلاحق اللي بيبعد وتبطل توضح لحد مش ناوي يفهم وتبطل تمسك بإيدين مش بتمسكك وتبص لوشوش كانت بتشبه السند وتعرف إنها كانت مجرد زينة طريق مش أكتر وتسامح وأنت 

عارف إن المسامحة مش رجوع المسامحة خروج من دائرة واقفة مكانها ووسط الزحمة دي كلها هتيجي لحظة معينة هتعرف فيها إن اللي كان بيحصل ما كانش عشوائي وإنك كان لازم تضعف علشان تتقوى لازم تبكي علشان تتعافى لازم تتكسر علشان تتشكل من أول وجديد وإن الطريق اللي اختبرك كتير هو نفس الطريق اللي هيهديك للنور في الآخر وفي آخر المشهد هتفهم إن أحلى حاجة 

في الرحلة دي كلها إنك فضلت مكمل رغم كل حاجة وإنك لسه قادر تحلم رغم اللي راح وإنك لسه عندك قلب يقدر يحب ويغفر ويبدأ حتى لو اتكسر ألف مرة وإن الطريق اللي تعبك هو نفسه الطريق اللي هيكملك بس إمشي وخلي ربنا دايما قدامك