لما الطريق يعلمك اللي ما قالهوش حد

بقلم/نشأت البسيوني 

في لحظات معينة في العمر تكتشف ان الطريق هو اكتر مدرس قاسي ممكن تتعلم منه وان البشر اللي قابلتهم مش كانوا صدفة ولا كانوا خير مطلق ولا شر مطلق كانوا دروس ما كانش ينفع تعدي من غير ما تعيشها ولا تتحمل وجعها ولا تفهم رسالتها لان في ناس بتحبك علشان نفسها وفي ناس بتوجعك علشان مصلحتها وفي ناس بتعدي في حياتك زي الهواء وفي ناس بتسيب فيك ندبة ما 

تروحش حتى لو الزمن جرى وتفضل ماشي تحاول تفهم ليه في ناس بتحلف انها ما تستغناش عنك وبعد كم يوم تلاقيهم نسيوك ليه في ناس كانت بتطمنك وتقولك انت مني وفي الوقت اللي احتجتهم فيه ما لقيت غير باب مقفول وكلمة باردة وسكوت يجرح اكتر من الاهانة ليه في ناس بتوعد وما توفيش ليه في ناس بتبان ملايكة ووقت الجد تتحول لحد تاني وليه في ناس بترحل من غير 

ما تشرح وتوجع من غير ما تعتذر وتكسر من غير ما تبص وراها وتفهم بعدها ان اللي بيرحل مش كان ليك واللي يبقى رغم كل شيء هو الحاجه الوحيدة اللي تستحق وان اللي كنت شايفه سند طلع مجرد وهم وان اللي كنت شايفه بعيد طلع اقرب ليك من نفسك وان في ناس ربنا بيبعدهم رحمة مش عقاب لان وجودهم كان هيكسر فيك حاجات اكتر مما اتكسرت وتفهم انك كنت بتدي 

اللي ما يستاهل وبتسأل على اللي ما يسألش وبتخاف على اللي ما فكرش حتى يفهم خوفك وبتقف جنب ناس لو اتعرضت لنفس الموقف ما عدوش هيقفوا نص وقفتك وانك كنت صريح مع ناس بتحب الكدب وطيب مع ناس بتحب الاستغلال ومخلص مع ناس بتحب المصلحة ويجي يوم تدرك انك اتغيرت اتغيرت بالصدمات والمعارك والخيبات اتغيرت لانك اتوجعت كتير وسكت كتير وبلعت 

دموع كتير وتكسرت في وقت محدش شافك فيه ولا سمع صوتك ولا حس انك واقع من جوه اتغيرت لانك ما عادش عندك استعداد تبقى محطة مؤقتة في حياة حد ولا خطة بديلة ولا ظهر لأيام حد ولا شماعة لأخطاء حد اتغيرت لانك عرفت قيمتك وتكتشف بعدها انك اتولدت من جديد انسان غير اللي كان من سنتين ولا خمس ولا عشرة انسان بقى يعرف يختار ويتأكد ويتراجع انسان بقى يفهم 

الإشارات اللي ما كانش بيفهمها الاول بقى يحس من النظرة من الكلمة من طريقة الكلام اذا كان الشخص ده جاي بخير ولا جاي يخطف من قلبك حاجة ولما توصل للنقطة دي نقطة الفهم الحقيقي نقطة انك تبطل تلوم الناس وتبدأ تلوم توقعاتك انت وتعرف ان الطيبة ليها حدود وان الاحترام ما يتفرضش على حد وان الحب مش مكالمة ولا زيارة ولا رسالة الحب فعل واستمرار وتحمل 

ووجود مش وقت ما الشخص يزهق من التاني او يلاقي بديل ساعتها هتعرف يعني ايه راحة هتفهم يعني ايه تنام وانت مش شايل حد جواك ولا مستني كلمة من حد ولا متعلق بحد هتعرف يعني ايه ربنا يعوضك بسلام داخلي ما يشتريش وما يتقاسش وما يتاخدش وتفهم في النهاية ان الطريق اللي كان بيعلمك بالقسوة كان بيجهزك لمرحلة اقوى وانك مش نفس الشخص اللي بدأ الرحلة 

وان كل خطوة وجع كانت بتزقك ناحية نسخة احسن وانضج واعمق نسخة ما تعتمدش على حد ولا تنهار علشان حد ولا تتعلق بحد نسخة ثابتة حتى لو الدنيا كلها اتغيرت حواليها نسخة أخيرا عرفت نفسها وعرفت قيمتها وعرفت ان مفيش خير بيضيع عند رب كريم وان كل اللي راح كان لازم يروح علشان توصل ل

لنهار اللي تستحقه