حين تتكلم الصمت والروح تسمع

بقلم/نشأت البسيوني 

طفي لحظات كثيرة من الحياة بنلاقي نفسنا واقفين قدام صمت مش عادي صمت بيحكي عن حاجات ما تتقالش بالكلام صمت يعلمنا إن مش كل ضحكة صادقة ومش كل كلمة حلوة من القلب ومش كل قرب حقيقي وإن العالم مليان ناس بتمثل والوجوه مش دايما زي القلوب وكل مرة بنحاول نفهم ليه حصل كده بنكتشف إن التجربة نفسها كانت رسالة من الحياة والدرس كان أكبر من أي 

شعور وجعنا أو فرحنا وبدأنا نفهم إن القلب اللي بيصمت ساعات أقوى من اللي بيتكلم وإن العقل اللي بيتأمل أكتر من اللي بيصرخ وإن الروح اللي تتحمل أكتر من اللي تستسلم هو اللي بيتعلم أسرار الدنيا ومع كل يوم جديد بنشوف إن كل حدث في حياتنا مهما كان صغير أو كبير له سبب وإن كل لقاء أو وداع أو كلمة كانت بتحمل في طياتها معنى أكبر من اللي شفناه وإن التجارب اللي كنا بنعتبرها 

خسارة كانت في الحقيقة بناء لقوة داخلية عمرنا ما عرفناها قبل كده وإن كل لحظة ألم علمتنا نثبت ونختار صح ونبعد عن اللي بيجرحنا ونقرب من اللي ينور طريقنا وبنكتشف كمان إن السعادة مش في الحصول على كل شيء ولا في رضى الناس لكن في صفاء القلب وفهم النفس وفي القدرة على الاستمتاع باللحظات الصغيرة اللي كل يوم بيعدي علينا من غير ما ناخد بالنا منها وإن الراحة 

النفسية أغلى من أي نجاح ظاهر وإن الحب الحقيقي بيبدأ من تقديرنا لذاتنا قبل أي حد تاني وإن الوفاء مش كلمة نكتبها لكن أفعال نعيشها وإن كل حد في حياتنا له دور لو حتى كان صغير لأنه بيعلمنا حاجة عننا أو عن الناس أو عن الحياة وفي اللحظة اللي نفهم فيها ده كله بنقدر نمشي بدون خوف ونختار بدون تردد ونحب بدون شروط ونصفح بدون توقعات ونعيش بقلب صافي 

وروح مرتاحة وعقل واعي وكل خطوة بنخطوها تبقى أقوى من اللي قبلها وكل جرح سابق يبقى درس وكل ابتسامة حقيقية تفتح باب جديد لكل لحظة سعيدة جاية وبنقدر نقول الحمد لله على كل حاجة حصلت حتى لو كانت صعبة لأن كل تجربة شكلتنا وجعلتنا نعرف نفسنا أكتر ونفهم حدودنا ونختار حياتنا بنفسنا وفي آخر الطريق نفهم إن الصمت اللي اتعلمناه كان صديقنا وإن كل لحظة 

تأمل كانت نورنا وإن كل وجع كان مرشدنا وإن كل يوم عدى بيعلمنا إن الحياة مش محتاجة نكد على قلبنا ولا نكد على اللي حوالينا لكن محتاجة نكون صادقين مع نفسنا ومع الناس اللي تستاهل ونمشي على الطريق اللي يخلي قلبنا مرتاح وروحنا سعيدة والعالم حوالي

نا أنضف وأنقى