قصيدة ( ترانيم بحجم الألم...)
بقلم الشاعر المصري أحمد إبراهيم النجار
بناااااااااااديكِ
و أبوس الضحكه ف عينيكِ
بعيش وطني أنا فيكِ
نشيد الحب فى عروقي
ويعلى الصوت صدى ليكِ
بحبك حب مش معقول
فى قصة شوق وبحكيكِ
حنانك لمسة على خدي
وعطر الورد ف إيديكِ
ياروح الروح يا قمرايه
فى ليل الشوق
بلهفة قلب أناديكِ
يا روح الروح ده أنا الدايب
وأنا العاشق لياليكِ
يا وطني وكل أحلامي
سنين عمري وأيامي
بعيش دايب أنا فيكِ
بناديكِ على حدودك
وأبوس الورد ف خدودك
وأعيش أحلامي انا بيكِ
واعيش أيامي أنا فيكِ
يا أحلا عيون بلون زيتون
خضار وربيع و مرسومه
ف خطاويكِ
بيرسم فى الدروب ضحكه
وأفرد روحي ادفيكِ
وتلمس إيدي أنا إيديك
يا ملكة قلبي وسنيني
بدوب فيكِ
يا صورة ساكنه و ف عيني
أنا الساكن هنا قلبك
بروحي وعمري افديكِ
يا عطر الورد والياسمين
هنا طارح اراضيكِ
بحب البسمه فى عيونك
على خدودك جمال نورك
وممدود فى الفضا ضوءك
وأنا البايت على حدودك
بناديكِ
بعيش الحلم ما يعدي
وأقول للساعات هدّي
وأسمع نبرة من صوتك بتحيني
وبتنفس على ارضكِ
ويرقص ورد بساتسني
وواهب روحي أنا ليكِ
ويجري نهرك السكر
وأنا العطاش بترويني
حنان وأمان ودفئ مكان
ومكتوبه على جبيني
حروف إسمك
بمعنى الطُهر ف حروفك
وتعلى بالغَنى
روحي
واغنّنيكِ بناديكِ
بقلم الشاعر المصري أحمد إبراهيم النجار
 بقلم الشاعر المصري أحمد إبراهيم النجار بناااااااااااديكِ و أبوس الضحكه ف عينيكِ بعيش وطني أنا فيكِ نشيد ال…){kind=link}
تعليقات
إرسال تعليق