بقلم :أسماء. قطب
النجاح عمره ما كان حظ ولا صدفة ولا بييجي فجأة من غير مقدمات النجاح هو رحلة رحلة بيبدأها الشخص اللي قرر يتحرك، حتى لو الدنيا حواليه مش مستقرة حتى لو الظروف مش كاملة حتى لو الخطوات صغيرة لكنه بدأ
الناس اللي بتنجح مش لأن حياتهم أسهل بالعكس هما اللي بيصنعوا الطريق بإيديهم
النجاح محتاج سعي، ومحتاج إنك تبطل تستنى اللحظة المناسبة
لأن الحقيقة؟ مفيش لحظة مناسبة أكتر من دلوقتي
أول خطوة مهما كانت بسيطة هي اللي بتفتح لك طريق عمرك ما كنت هتشوفه لو فضلت واقف مكانك
وكل إنجاز كبير بدأ بخطوة صغيرة جدا خطوة يمكن محدش حسّ بيها غير صاحبها لكنها كانت البداية اللي غيرت كل حاجة بعد كده
2026 سنة التحوّل الحقيقي
2026 مش مجرد رقم دي فرصة جديدة بداية مختلفة
سنة تقدر تخليها العلامة الفارقة في حياتك
السنة اللي تقول فيها لنفسك
أنا مش هستنى أنا اللي هخلق التغيير
وصدقني
مش هتحس بطعم النجاح غير لما تاخد القرار بنفسك
قرار إنك تبدأ تتحرك وتواجه حتى لو خطوة بخطوة
القرار قرارك واللحظة لحظتك
متستناش الظروف تتحسن
ومتستناش حد يشجعك
ومتستناش السكة تبقى واضحة بالكامل
ابدأ
وتأكد إن كل خطوة النهاردة مهما كانت بسيطة هتبقى سبب في أكبر إنجاز ليك بكرة
النجاح مش صدفة النجاح قرار
والقرار في إيدك دلوقتي
الخلاصة
في الآخرمفيش حد هيغيّر حياتك غيرك
ومفيش سنة هتفرّق معاك غير السنة اللي قررت فيها تبدأ
وخلي بالك
2026 مش هتتغير لوحدها
إنت اللي هتغيرها بإصرارك بقراراتك وبخطواتك اللي يمكن تبدأ صغيرة لكن نهايتها كبيرة
امسك زمام حياتك من دلوقتي
إكسر التردد
إبني لنفسك طريق
واطلع من 2026 وانت رافع راسك عارف إنك مشيت المشوار اللي ناس كتير خافت تمشيه
ابدأ قبل ما تندم
وتحرك قبل ما الفرصة تفوت
واصنع بنفسك السنة اللي هتغيّر حياتك للأبد
المستقبل ملك للّي بيتحرك مش للّي بيستنى
تعليقات
إرسال تعليق