حين تتغير ملامح العالم دون أن نشعر

بقلم/نشأت البسيوني 

حين تتغير ملامح العالم دون أن نشعر في لحظات معينة بنصحى من النوم ونكتشف إن العالم اللي كنا فاكرينه ثابت مش هو نفس العالم اللي قدامنا النهارده كل شيء بيتغير من غير ما يستأذن تفاصيل صغيرة بتتهز في مكانها وتفتح جوانا أبواب ما كناش نعرف إنها موجودة اصلا يمكن نضحك من غير سبب ويمكن نحس بضيق من كلمة ملهاش معنى ويمكن قلبنا يتقفل على سر محدش 

يعرفه غير ربنا وكل ده بيحصل لأننا بشر بنتشكل ونتلون ونقع ونقوم ونرجع ندور على نفسنا من جديد الاوقات اللي بنحس فيها إننا تايهين مش ضعف بالعكس دي اللحظات اللي الروح فيها بتبني نفسها من اول وجديد من غير ما نطلب ومن غير ما نحس الكلام اللي كنا بنفتكره مجرد شعور عابر بيتحول مع الايام لحقيقة بتغير حياتنا كلها نظرة حقيقية من حد صادق ممكن تغير جوانا حاجات 

سنين كانت واقفة مكانها وكلمة قاسية من حد نحبه ممكن تعمل شرخ صغير يكبر جوانا ويفضل معانا العمر كله احنا في الاصل مش محتاجين نثبت لحد إننا اقوياء ولا محتاجين نخبي خوفنا عن الدنيا لأن القوة عمرها ما كانت في شكلنا قدام الناس القوة في اللي بنعدي بيه وساكتين في اللي بنفقده ونرجع نكمل في اللي بيتكسر جوانا ونبنيه بايدينا من غير ضوضاء ولا شكوى القوة في إننا نقف 

على رجلينا بعدها ونقول الحمد لله من القلب في كل يوم بنعيشه في لحظة مش واضحة بتعدي وتعلم فينا يمكن كلمة بنقولها لحد من باب العشم تفضل جواه سنين ويمكن احساس بنكتمه جوا قلوبنا يكون هو المنقذ في يوم ما واحنا حتى مش واخدين بالنا يمكن خطوة صغيرة ناخدها من غير تفكير تغير مصيرنا كله لأن القدر دايما ماشي حوالينا من غير صوت ويمكن اجمل حاجة في 

الحياة إننا مش مضطرين نفهم كل حاجة دلوقتي في حاجات بتتضح بعد شهور وفي حاجات بتتضح بعد سنين وفي حاجات مش هنفهمها غير لما نوصل مكاننا الصحيح ونبص ورا ونقول كان لازم كل ده يحصل علشان ابقى انا اللي موجود النهارده الدنيا بتتغير واحنا بنتغير معاها وده مش شيء نكرهه بالعكس ده معناه إن الروح لسه عايشة ولسه بتتشكل ولسه عندها امل مهما اتعثر 

الطريق ومهما وجعنا الماضي لأننا في الآخر هنفهم إن اللي ما كانش مفهوم زمان هو اللي كان بيبني الطريق اللي واقفين عليه دلوقتي وإن اللي افتكرناه خسارة كان بداية جديدة ما 

كناش شايفينها