سمير الشرنوبي يكتب لما أمي اتوفت
عرفت إن مسكة الأكياس ال فيها طلبات البيت .
وان طالع بها ع السلم بتوجع الظهر جداً ،
وإن الميه تقيله أوي ،
وإن الغدا كل يوم مش بالساهل ،
وإن عرفت إن الصحيان بدري لوحدك صعب ،
وإنها أحسن م ١٠٠ منبه ،
وإن الحاجات الضايعه مش هتلاقيها .
وأن عرفت إن دور البرد أشد ١٠٠ مره من دور البرد وأنت معها وإن العلاج كان بها هى مش بالمضاد الحيوي ،
وإن ال هتعوزه مش هتلاقيه ف ساعتها.
وأن عرفت إن الزعل من غير وجودها أضعاف ،
وإن الغلط من غير عتابها مابيتشافش ،
وان عرفت الأمان مش فى قفلة الباب بالمفتاح والترباس
وإن ترتيب البيت شيء مجهد جداً ،
وان عرفت ان الطلعه م البيت من غير دعوة لا تحسب ،
وإن ف حاجات إسمها كهربا و غاز و مايه ،
وإن محدش هيجري يشيل إزاز الكبايه المكسوره
و يقولك : أبعد أحسن لتتعور ..
وأن عرفت ان انا صغير من غيرها ،
وأن كبير من بعدها ،
وأن ميت من غيرها ..
{ وقل ربى أرحمهما كما ربياني صغيرا }
ربنا يرحم كل أمهاتنا يارب العالمين .
ويجعل تعبهم في ميزان حسناتهم .
ويبارك في الموجودين ويعطيهم الصحة والعافية .
اللهم أمين يارب العالمين
تعليقات
إرسال تعليق