حين ينهض القلب رغم كل شيء

بقلم/نشأت البسيوني 

حين ينهض القلب رغم كل شيء ويلاقي نفسه بيواجه دنيا مش سهله ودروب مليانه مطبات وحكايات بتستخبى جوا الوجع كأنه قدر مكتوب على كل انسان انه يعدي بالمحن علشان يعرف قيمه نفسه اكتر يعرف امتى يتكلم وامتى يصمت يعرف امتى يتمسك وامتى يسيب ويبعد يعرف ان الحياه مش دايما بتدلّع حد ومش دايما بتبقى ناعمه ومش دايما الطريق مفروش نور بس دايما فيها 

لحظه بتتخلق من وسط العتمه وتفضل تقوله قوم كمل قدامك حاجه لسه مستنياك ولو الدنيا ضيقت عليك افتكر انك اتخلقت علشان تتحدى الضيق وتخلق لنفسك باب عمر ما حد شافه غيرك ولما يبص الانسان حواليه يلاقي البشر كلها شايله حاجات محدش يعرفها وجروح ما بتبانش غير في العين ونبض خايف من كسرة تاني بس مكمل ومستمر كأن الروح بتقول مهما حصل انا لسه هنا 

ولسه قادره تواجه ولسه واقفه رغم كل اللي وقع قبل كده ولما يرجع الإنسان بالذاكره يشوف نفسه في لحظات كان فاكرها النهايه وفجأه يكتشف انها كانت البدايه الحقيقيه اللي منها اتغير واللي بسببها اتولد جوه قلبه جلد جديد ما يتكسرش وما ينحنيش وما يخافش من بكرة الايام بتعلم الواحد ان مفيش حاجه بتضيع وان كل صدمه بتسيب أثر بس الأثر ده هو اللي بيبقى العلامه اللي 

بتفكره انه أقوى من كل حاجه كانت فاكرة انها هتكسره وان الصمت اللي كان بيخوفه زمان بقى دلوقتي ملجأ وان الوحده اللي كانت بتوجعه بقت دلوقتي بتربيه وتفهمه وتعلمه مين يستاهل ومين وجوده دخان بيطير اول ما الهوا يشتد ولما يقعد مع نفسه ويحاول يفتش جواها يلاقي ان جوه الإنسان نور مهما حاولت الدنيا تطفيه يفضل منور ولو على خيط رفيع نور يكفيه يكمّل وينهض ويعيش 

ويستنى حاجه تستحق وان مهما طال السقوط لازم ييجي يوم يوقف على رجليه ويقول اهو انا وبرجع من جديد ومش همشي ورا الخوف ولا هسيب الماضي يشدني ولا هفتح باب لحد يوجعني لان اللي اتعلمته كان غالي واللي نضجت بيه كان ثمنه وجع بس طلع الوجع ده هو اللي صنع الروح اللي واقفه دلوقتي وان اللي بيعدي من الحيطان الصعبه ويتعامل مع جروح مليانه ملح ويواجه طرق 

مافيهاش معالم هو نفسه اللي يقدر في يوم يمشي بثقه من غير ما يسأل الطريق رايح على فين لان قلبه هو اللي بقى البوصله وصوته الداخلي بقى أقوى من كل الأصوات اللي بره ولما يوصل للحظه دي يبقى عرف ان الحياه مش ضدّه ولا الصدفه بتطارده الحياه كانت بتصقله وبتعيد تشكيله علشان يشوف نفسه في المرايه يوم ما ينضج ويعرف انه كان دايما يستحق أكتر كتير من اللي كان بي

تمسك بيه زمان