إليك

السلام أكيد واصل لكن إللي حاصل إن إحنا دايماً بنكدب على نفسنا ونقول "العمر مش بعزقة" ...

لأ إحنا أكتر حاجة بنسرف فيها ونبعزق هو عمرنا في لحظات وأيام وسنين يمكن مش بتشبهنا ولا بتعبر عننا...

 الحاجة الوحيدة اللي بتضيف لعمرنا هي لحظة الصدق مع النفس تفهمها صح تفهمها غلط لكن واجب أنبهك إن لحظة واحدة بقربك بتضيف لروحي روح ...

صدقني متعودتش ألف وأدور...

 يعني دي اللحظة الوحيدة إللي مفيهاش بعزقة والباقي معروف الدنيا عمرها مكانت بتغيث ملهوف!

وانت صدق وحقيقة لكن الدنيا غالباً بتكون زييف .

وأنا يمكن أكون في حياتك مجرد عابر أو طيف لكن حقيقي. 

وانت كمان حقيقة ودليل ونور!

شكراً لأنك لما بضعف قصادك بتخليني أرجع أقوى!

بقلم

وحيد صبري