بقلمي / شيماء سامي
مصر مش بس حكاية تحكت
ولا قصيدة في كتاب انكتبت
مصر في القلب كلمة محفورة
وفي روحنا غنوة تهز الكون
مصر لو اسمها جه في الكلام
تلاقي إن الحرف واقف احترام
مش سور قديم ولا تاريخ يتحكي للعابرين
مصر قلب حي بينبض جوه الملايين
أنا بنتها وأقولها بفخر
في كل بلاد، وتحت أي سما
دي مصر، ترابها كنز عظيم
واللي عاداها.. انتهي
بيسألوني: انتي مين؟
وبإيه فخورة؟
اقول انا بنت مصر العظيمة الاسطورة
أنا اللي كبرت في حضنها
أنا اللي قلبي في عشقها
انا اللي دمها في دمي
أنا اللي لو تبكي.. ابكي
ولو تحلم.. أبني حلمها
ذكرها النبي وقال عنها خير جندود الارض فيها
واحنا بلدنا محدش يقدر عليها
مين يفكر يعاديها
مين عايز يكتب نهايته علي ايديها
طب فكر تعاديها
هتلاقي جيشها حالف بروحه يفديها
طب فكّر تعاديها؟
هتلاقي جيشها حالف بروحه يفديها
إحنا بلد، بدم ولادها قامت
إحنا أرض مهما تموت.. تقوم
إحنا جيش، مهما نتعب.. نقاوم
إحنا نور، فوق الجبين مرسوم
بيسألونا: إنتو مين؟
وازاي بقيتوا كده؟
إحنا ولاد مصر.. حكاية مجد ابتدا
إحنا اللي علمنا العالم الصمود
وأرضنا دايمًا بتطرح ورود
والمستحيل عندنا.. مالوش وجود
إحنا ولادك يا مصر
إحنا جيل بعد جيل
حكايتنا محفورة فـ الصخر
من زمان طويل
إحنا اللي زرعنا فـ ترابك أمل
وخطواتنا دليل
إحنا اللي وقت الشدة.. إيد في إيد
وعمرنا ما بعنا العهدة
إحنا اللي وقت الجوع قسمنا اللقمة
ووقت الفرح رفعنا الراية والعزة
يا زمن تعالَ فكرهم.. إحنا مين؟
إحنا اللي رجالنا كتبوا النصر
يشهد عليه الجميع
فاكرين لما رجالنا كانوا صايمين؟
بس حطمو خط كانو بيقولو عليه منيع وقوي
وجيبناه في لحظة وقع.. وانتهى
كانت إيد بتبني، وإيد بتحارب
وجيش عدّى، ورايته ارتفعت في السما
طيران في الجو، دبابات بتزحف
ورجالة وقفت وقالت:
"النصر دا لينا!"
ست ساعات.. واتسجل في التاريخ نصر
وأرضنا رجعت، وتحيا مصر بإيدينا
فاكرين الفرحة لما الأرض نادت؟
لما العلم اترفرف في السما؟
فاكرين الشهيد وهو بيبتسم؟
لما مصر نادت.. قام ولبّى الندا
فاكرين صوته وسط الرصاص؟
فاكرين ضحكته قبل ما يمشي؟
فاكرين الشهيد اللي راح ومرجعش؟
قال: "هَرجع ليكم.. واللي بينا منتهاش"
قال: "ما تعيطوش.. مصر محتاجة تعيش"
بعد كل ده، وفاكرين هنفرّط فيها؟
إحنا بلدنا محدش يقدر عليها
دول رجال يا مصر!
جيش وشرطة وشعب عنيد
اللي يفكر يمسّ أرضها
يلقى الرد "حديد في حديد"
مصر ما تنحنيش
مصر زيّها مفيش!
بيسألوني: انتي مين؟
ردّي دايمًا: "بنت مصر"
مصر غير.. مصر هتفضل بخير
مصر هتفضل بخير
بقلمي / شيماء سامي
تعليقات
إرسال تعليق