تزامنا مع عرض مسلسله الرمضاني "اش اش"
يعلن المخرج المعروف محمد سامي اعتزاله الدراما بعد رحلة ١٥ سنه من العمل في المجال الذي صنع منه مخرجا لاعمال ناجحة ..
وجاء إعلانه الاعتزاله بالتزامن مع هجوم يتعرض له سامي نتيجة مسلسل "إش إش" المعروض الآن في رمضان.
وقال سامي في منشور على حسابه في فيسبوك ٢٠٢٥ آخر أعمالي التلفزيونية واللي فيها بودع المسلسلات رحلة طويلة حولي ١٥ سنة قدمت فيهم كل اللي قدرت عليه لإسعاد الجمهور وحققت بفضل ربنا نجاحات مع نجوم كتير و مع شركات و قنوات كلها مهمة".
وأضاف ان المقربين مني عارفين إني واخد القرار من فترة ولكن كنت بنتهي من إلتزامات موقعة مع شركات و نجوم إنتهيت منها وكان أخرها ٢٠٢٥ معنديش حاجة أكتر أقدر أقدمها في التلفزيون وخايف من تشبع الجمهور من أسلوبي ومن الوقوع في فخ التكرار و دائرة المتوقع والملل".
وأوضح ان أخر عملين ليا إش إش وسيد الناس حققوا نجاح أنا سعيد بيه...
كل يوم مصر بتطلع صناع جداد موهوبين و مثقفين و يقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي.
واعتذر سامي عن أي مشهد قدمته أثناء الرحلة ولم يلقي إستحسان الجمهور أو إعجابهم في الأخر الفنان دايما بيجرب
والفنون جنون زي ما بيقولوا مشيرا الى ان وجهته القادمة هو السفر عامين الى خارج مصر لتعلم شيء جديد يدرسه وكان قد أجله كثيرا.
من جانبه علق النجم المصري تامر حسني على بيان المخرج محمد سامي بكلمات مثيرة وعاطفية اثارت تعاطف وتفاعل الجمهور حيث حذر تامر حسني ان يكون سيبتعد نتيجة أي احباط.
وقال حسني في تعليقه أوعى تكون عايز تبعد عشان أي إحباط جايز يكون فعلاً في بعض المشاهد اللي الناس إنتقدتها و أنا شخصياً إستغربتها شويه و قولت جوايا أنك مش محتاج تعملها أصلاً لأن عندك الحقيقي و الأهم بس على رأيك الفنون جنون مضيفا انه بس ده ميخليناش ننسى إنها بعض مشاهد مش بعض أعمال.
وأضاف حسني ..هزعل منك لو هتمشي محبط وأنت أنجح حد بدليل مسلسلاتك بيتقال عليها مسلسلات محمد سامي
و تركيز الناس معاك دليل على حبهم لأعمالك و رغم إن بعضهم بينتقدوها بس متابعينها حرف حرف و نقدهم ليك بيبقى على قد حجمك و هي دي ضريبة الناجحين الكبار".
واكمل حسني قوله لسامي: "سافر و كمل حلمك و أنت منتصر بتاريخك و أوعى تُحبط و أنا عارف إن محمد سامي اللي أكتشفته و قدمته و هو عنده ٢٧ سنه لايمكن هيتهز ممكن يزعل يومين و يراجع نفسه في مشاهد.. أنا مبسوط منك أنك بمنتهى الشجاعه الأدبيه أعتذرت على تقديمها خد راحه شويه و إرجع أقوى من الأول و أنا واثق من اللي هتسافر عشانه أنه قرار هيضيف نقله كبيره لمشوارك، أوعى تخلي الزعل من بعض المشاهد ينسيك أنت قدمت ايه للدراما ياريت قبل ما نقسوا على سامي بالطريقه دي نفتكر هو أمتعنا سنين قد ايه.. ربنا ينور طريقك و ترجع أقوى و أقوى من أي وقت وهفضل أخوك الكبير و في ضهرك.
تعليقات
إرسال تعليق