كتب د مصطفى شعلان
تم عمل خطة وإحكامها ببراعة وبخطوات متتالية
اول حاجه تم ايقاف برنامج شوبير عشان هو صوت الاهلي ويعتبر المتحدث بأسم قضايا النادي والمدافع عنها
تاني حاجه الرابطه عملت جدول الفجر والجدول مرسوم لبيراميدز ومهيئ لفوزه بالدوري وجعل الماتش بعد خمس ايام بحيث الاهلي مايطلبش حكام أجانب .
تالت حاجه اصرو ع الحكام المصريين ولأن الزمالك مأنتم معاهم وفاهم الفوله ومستفيد ماديا من الموضوع دافع عن الحكام المصريين اللي كان رئيس النادي ميدو بينتقدهم من يومين في مؤتمر صحفي الله هو ميدو رئيس النادي اقولك دا ميدو بقى رئيس الرياضه في مصر
رابع حاجه معينين مراقب مباراه بورسعيدي كاره للاهلي وعاشق للزمالك وكان مع الزمالك في أحداث الامارات وسجن اللاعبين هناك وادعى أن تقرير الماتش ضاع منه والزمالك ماتعاقبش جايبين ابو العربي الحبوب ده ليه عشان يوقف جماهير الاهلي عن ماتش بيراميدز ويبقى الكفه في صالح بيراميدز .
خامس حاجه ايهاب الكومي طلع قال فعلا الدوري موجه لبيراميدز وانا معايا ادله بكده وكنت في المطبخ وعارف كل حاجه ايه اللي حصل القناه وقفته والأعلى للاعلام وقفه وقعد في بيتهم طب ما احمد الخضري قال ببجاحه ع الحكام المصريين أنه شامم ريحه قدري عبد العظيم الحكم المظلوم ولا حد عبره .
سادسا وزير الرياضه بعت جاب حكام من السعوديه وبيراميدز رفض وخلا الزمالك يرفض والوزير طالع يلوم ع الاهلي ويقولك المال العام عشان المتحده خسرت ماديا طب لما الاهلي هو اللي بيكسبكم ماديا بتحاربوه ليه !! ومن أضل ممن اتبع هواه .
سابعا الخطيب اتاخد منه اتنين دوري قبل كده بنفس الطريقه فبالتالي هما استطيبوه وبيتلككو بالوطنيه والقصص الحمضانه اللي بيحب وطنه مايراعش فسده ياعم الوزير ويطرمخ على مليارات الجنيهات في نادي الزمالك .
وبكده يتضح أن المنظومه كلها بإعلامها باتحادها برابطتها بوزيرها بتخدم على الكفيل الإماراتي .
اخيرا كل الدعم للنادي الأهلي في موقفه المحارب للفساد الرياضي المبني على غل وحقد من نجاح منظومه الأهلي .
الإنسحاب من الدوري المشبوه ده أهم خطوة في تاريخ مجلس الإدارة خليهم يعرفو قدر وقيمة الأهلي .
تعليقات
إرسال تعليق