متابعة / محمد مختار
معلومات سفاح الاسكندريه من هوومهنةمحامى اسمه نصر الدين السيد ٥١ سنة من كفرالشيخ ومستقل عن أسرته منذ وهو شاب وبعيد عنهم وميعرفوش عنه حاجة
يقال انه كان ساكن فى القنطرة وهرب منها وجه عاش فى اسكندرية من عام 2021 سلوكه العام غير منضبط وله علاقات مشبوهه وبيشرب مخدرات بيتنقل فى شقق إيجار جديد وبيختار دايما شقق الدور الارضى بيستخدمها كمكتب ومعيشة ولنزواته وكمان بيدفن فيها ضحاياه وكان بيشغل القرآن طول اليوم بسبب الميتين المدفونين فى أرضية الشقة وكان اخرهم شقة فى المعمورة شارع ٢٦٨ بجوار مدرسة مى زيادة لقوا فيه جثتين لسيدتين ومن تحقيقات النيابة اتضح انه كان مأجر شقة بشارع ٧ متفرع من شارع ٤٥ قبلى بالبحث والتنقيب لقوا فيها جثة رجل بعد القبض عليه
ولسه مع التحقيقات اللى شغاله حاليا حتظهر جثث تانية بداية الواقعة صرخة مدوية من سيدة كانت تقيم معه حديثا بالشقة وكان مانعها من فتح غرفة معينة ولكن فضولها جعلها تبحث عن سر الغرفة واستطاعت ان تحصل على مفتاحها خلسة منه وفتحتها فى غير وجوده وتفاجأت بوجود حفر فى أرضية الغرفة وأثار دماء وجثة مدفونة فكان المنظر صاعق رقعت بالصوت الحيانى وجريت خرجت من الشقة من خوفها الجيران نزلوا يشوفوا ايه اللى جرى واكتشفوا الجثة وبلغوا النيابة والمحامي مكنش موجود وقتها المباحث انتظرته حتى حضوره وقبضوا عليه والمباحث اكتشفت وجود جثتين لسيدتين الاولى سيدة من الجيزة كان متزوجها عرفى من تلات سنوات بدون رغبة أهلها فقاطعوها وكانت بتنتقل معه فى الشقق المستأجرة وبسبب مشاكل بينهم بسبب علاقاته النسائية وغيرتها عليه قتلها والجثة التانية لسيدة كانت موكله عنده وكانت ست وحدانيه وعرف انه معاها ٣٠٠ الف لعب عليها وسحبهم منها وعشان يخلص منها قتلها من حوالى ٣ شهورالضحية التالتة مهندس محمد ابراهيم محمد مواليد 1956 متزوج وعنده بنت متزوجة
اشتغل فى السعودية وفى المانيا لدية سيارة ومنزل ورصيد كبير فى البنك الضحية اتعرف على المحامى فى المحكمة أثناء استخراجه بعض الأوراق وعرف المحامى ان المهندس عنده بيت فى المندره شارع النبوى المهندس وعاوز يبيعه وطمنه المحامى انه عنده مشترى للبيت والمهندس وعده انه حيديله خمسين ألف سمسرة الكلام ده فى اول شهر فبراير 2022 فى خلال شهر يعنى شهر مارس 2022 استدرجه المحامى بغية وجود مشترى للبيت وطلب منه الحضور ومعاه عقد البيت بعدها اختفى اهله عارفين علاقته بالمحامى اتصله على المحامى طمنهم عليه وبلغهم انه كان عنده ومشى اتارى المحامى حبسه فترة قبل مايقتله خلاه تحت التهديد يكلم اخته ويبلغها انه باع البيت والعربية واتجوز اوكرانية وحيعيش معاها فى شارم الشيخ وبلغها انه بخير ويطمنوا عليه وبلغها بلاش بلاغات الأقسام والنيابة ولكن حب يوصل لها رسالة مخفية أثناء المكالمة عشان يفهمها انه فى خطر فبلغها انه مع صاحبه المحامى نصر الدين وبلغها انها توصل السلام لجوزها جمال وجمال ده ميت من تلات سنين ولاد اخت المهندس اتنين شباب كبار ومعاهم واحد صاحبهم وجوز بنته وجوز اختهم لموا بعضهم و عرفوا يوصلوا للمحامى ويقابلوه على قهوة فى منطقة الساعة فى اسكندرية ومسكوه بالقوة وراحوا قسم الشرطة وبلغوا انه خاطف خالهم والمباحث حققوا مع المحامى وللاسف خرج الساعة ٢ بالليل لعدم وجود أدلة تدينه المحامى استولى على البيت وعلى العربية واخد الفيز وسحب رصيده وكمان بقى يسحب معاشه كل شهر لمدة سنتين لغاية ما تاريخ صلاحية الفيزا انتهى وبقت محتاجة تجديد المحامى حاليا محجوز فى قسم منتزة تانى لاستكمال التحقيق معاه
وواضح انه حتظهر جثث جديدة فى الايام القادمة لانه أى صاحب شقة اجر للمحامى شقتة حيبلغ النيابة
تعليقات
إرسال تعليق