مكتبتلكش النهارده
حسيت ان في حاجه ناقصه وافتكرت شيرين وهي بتقول كل حاجه ناقصه حاجه وانت مش جنبي حبيبي
عارف ايه اكتر حاجه وجعاني
اني فاقده احساسي بالامان ....فاقده احساسي انك حبيتني
نموذج الراجل اللي بيحب واللي هو كان موجود فيك قبل الحادثه مبقاش موجود
الراجل اللي بيحب بيغير
الراجل اللي بيحب بيقلق وبيتوتر وبيفتقد بيشغل دماغه باللي بيحبه
الراجل اللي بيحب بيبقي عاللي بيحبه بيريحه مبيشوفش غيره
اه مش بالمعني الحرفي ....انا عارفه انك بتشوف وبتشوف اوي كمان 😊
لكن اللي بيحب بيكتفي مبيقدرش يقول كلام لحد تاني
كلمة بحبك عهد ومن يوم ما قلتها لغيري وانا شايفاك خاين عهدي
الأوجع من الوجع اني وقت الحنين بنسي كل الوحش
بنسي اهانتك ليا
بنسي خيانتك
بنسي انك انكرتني قدام الكل
بنسي انك خذلتني وكسرت بخاطري بدل المره مية مره
بنسي انك محبتنيش
وبفتكر بس اني حبيتك
بفتكر انك حته من روحي
بفتكر انك ابني اللي مبتحملش يفارقني
غريب .....رغم انك اذيني
ورغم اني علي يقين انك محبتنيش
بس......بفتقدك وبستناك
وبسامحك.
بقلم
د.منار عبد الهادي
تعليقات
إرسال تعليق